ກອງປະຊຸມດໍາເນີນຊີວິດການເມືອງ ໜ່ວຍພັກ ບໍລິຫານ ແລະ ຈັດຕັ້ງ ປະຈໍາປີ 2020

Details

Written by ຫຸມພັນ ວໍລະຈັກ

Published: 16 December 2020

     ໃນວັນທີ 15 ທັນວາ 2020 ເວລາ 8:00 ຢູ່ທີ່ຫ້ອງປະຊຸມ ພະແນກ ຊັບພະຍາກອນທໍາມະຊາດ ແລະສິ່ງແວດລ້ອມ ແຂວງ ບໍ່ແກ້ວ ໄດ້ເປີດກອງປະຊຸມ ດໍາເນີນຊິວິດການເມືອງ ປະຈໍາປີ 2020 ຂອງໜ່ວຍພັກ ບໍລິຫານ ແລະ ຈັດຕັ້ງ ພາຍໃຕ້ການເປັນປະທານຮ່ວມ ຂອງສະຫາຍ ຄໍາໝັ້ນ ຈັນທະລິດ ກໍາມະການພັກແຂວງ, ເລຂາ ຄະນະພັກຮາກຖານ, ຫົວໜ້າ ພະແນກ ຊັບພະຍາກອນທໍາມະຊາດ ແລະສິ່ງແວດລ້ອມ; ສະຫາຍ ວົງລັກ ພອນຈະເລີນ ເລຂາ ໜ່ວຍພັກ ບໍລິຫານ ແລະ ຈັດຕັ້ງ,  ຫົວໜ້າ ຂະແໜງ ແຜນການ-ສະຖິຕິ ແລະ ຂໍ້ມູນ-ຂ່າວສານ.  

     ໃນພິທີ ຄະນະຈັດຕັ້ງພິທີໄດ້ຂື້ນກ່າວຈຸດປະສົງໃນການເປີດກອງປະຊຸມດໍາເນີນຊີວິດການເມືອງ ຂອງໜ່ວຍພັກ ແລະ ຜ່ານມະຕິຕົກລົງຂອງຄະນະພັກຮາກຖານວ່າດ້ວຍການອະນຸມັດໃຫ້ໜ່ວຍພັກ ບໍລິຫານ ແລະ ຈັດຕັ້ງ ເປີດກອງປະຊຸມດຳເນີນຊີວິດການເມືອງ.

      ໃນພິທີ ສະຫາຍ ວົງລັກ ພອນຈະເລີນ ໄດ້ຂື້ນກ່າວໄຂກອງປະຊຸມ ເຊິ່ງມີເນື້ອໃນບາງຕອນຄື: ໃນທາມກອງທົ່ວພັກ, ທົ່ວກອງທັບ ແລະ ທົ່ວປວງຊົນລາວ ທັງຊາດ ພວມອອກແຮງແຂ່ງຂັນຈັດຕັ້ງປະຕິບັດ ມະຕິກອງປະຊຸມໃຫ່ຍຄັ້ງທີ X ຂອງພັກ, ມະຕິກອງປະຊຸມໃຫ່ຍຄັ້ງທີ V ຂອງຄະນະບໍລິຫານງານພັກແຂວງບໍ່ແກ້ວ ເວົ້າລວມ, ໂດຍສະເພາະ ມະຕິກອງປະຊຸມໃຫຍ່ຄັ້ງທີ I ຂອງຄະນະພັກຮາກຖານ ພຊສ, ຂ້າພະເຈົ້າ ຮູ້ສຶກເປັນກຽດຢ່າງ ສູງ ທີໄດ້ຕາງຫນ້າໃຫ້ຄະນະຫນ່ວຍພັກ-ສະມາຊິກພັກ ບໍລິຫານ ແລະ ຈັດຕັ້ງ ຂຶ້ນມີຄວາມເຫັນກ່າວຕ້ອນຮັບ ບັນດາ ສະຫາຍ ເຂົ້າສູ່ກອງປະຊຸມດໍາເນີນຊີວິດການເມືອງຕີລາຄາຄຸນນະພາບ ແລະ ແບ່ງປະເພດສະມາຊິກພັກ ປະຈໍາປີ 2020 ແລະ ຮັບຮອງແຜນກໍ່ສ້າງຫນ່ວຍພັກປອດໃສ, ເຂັ້ມແຂງ, ຫນັກແຫນ້ນ ປະຈໍາປີ 2021 ຂອງຫນ່ວຍພັກບໍລິຫານ ແລະ ຈັດຕັ້ງຂອງພວກເຮົາ.

    ກອງປະຊຸມດໍາເນີນຊີວິດການເມືອງ ປະຈໍາປີຄັ້ງນີ້ສຸດທີ່ມີຄວາມໝາຍຢ່າງຍິ່ງຊື່ງພວກເຮົາຈະໄດ້ພ້ອມກັນຕີລາຄາຄືນການຊີ້ນໍາ-ນໍາພາຂອງຄະນະໜ່ວຍພັກໃນໄລຍະຜ່ານມາພ້ອມນີ້ພວກເຮົາກໍຈະໄດ້ຄົ້ນຄວ້າແລະຮັບຮອງເອົາບັນດາເນື້ອໃນ ບົດສະຫຼຸບຕີລາຄາການຊີ້ນໍາ-ນໍາພາ ປະຈໍາປີ 2020 ແລະທິດທາງແຜນການກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ ປະຈໍາປີ 2021 ແລະ ບົດສໍາຫຼວດການນໍາພາລວມ ຂອງຄະນະໜ່ວຍພັກ ບໍລິຫານ ແລະ ຈັດຕັ້ງ ມີດັ່ງນີ້:

ໜື່ງ: ຈະໄດ້ສັງເກດຕີລາຄາຄືນຢ່າງຮອບດ້ານກ່ຽວກັບຜົນຂອງການຈັດຕັ້ງປະຕິບັດວຽກງານຕະຫຼອດໄລຍະໜຶ່ງປີຜ່ານມາຊື່ງມີດ້ານດີ-ຜົນສໍາເລັດ,ດ້ານອ່ອນ-ຂໍ້ຄົງຄ້າງທີ່ຈະພ້ອມກັນແກ້ໄຂໃນຕໍ່ໜ້າ.

ສອງ: ກອງປະຊຸມຈະໄດ້ຜ່ານບົດສະຫຼຸບຕີລາຄາການຊີ້ນຳ-ນຳພາ ປະຈໍາປີ 2020 ແລະ ທິດທາງແຜນການກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ ປະຈໍາປີ 2021; ພ້ອມກັນນັ້ນກໍຈະໄດ້ຜ່ານບົດສໍາຫຼວດການນໍາພາລວມ ຂອງຄະນະໜ່ວຍພັກ ໃຫ້ປະກົດຜົນເປັນຈິງ.

ສາມ: ກອງປະຊຸມຈະໄດ້ຕີລາຄາຈັດແບ່ງປະເພດໜ່ວຍພັກ ແລະ ສະມາຊິກພັກ ແຕ່ລະສະຫາຍພາຍໃນໜ່ວຍ ປະຈໍາປີ 2020 ໃຫ້ໄດ້ຮັບຜົນດີຕາມລະດັບຄາດໝາຍ.

ສີ່: ກອງປະຊຸມກໍຈະໄດ້ວາງທິດທາງແຜນການສູ້ຊົນໃນຕໍ່ໜ້າເພື່ອແນໃສ່ການຈັດຕັ້ງປະຕິບັດແນວທາງການປ່ຽນແປງໃໝ່ຂອງພັກກໍຄືໜ້າທີ່ການເມືອງຂອງຕົນໃຫ້ມີຜົນສໍາເລັດອັນໃຫຍ່ຫຼວງກວ່າເກົ່າ ເພື່ອປະກອບສ່ວນເຂົ້າໃນພາລະກິດປົກປັກຮັກສາ ແລະ ສ້າງສາປະເທດຊາດກໍ່ຄືແຂວງບໍ່ແກ້ວໃຫ້ເຕີບໃຫຍ່ຂະຫຍາຍຕົວຢ່າງຕໍ່ເນື່ອງ ແລະ ຖືກທິດພາຍໃຕ້ການຊີ້ນໍາ-ນໍາພາຂອງອົງຄະນະພັກແຂວງ.

      ໃນຕອນທ້າຍ ສະຫາຍ ຄໍາໝັ້ນ ຈັນທະລິດ ກໍາມະການພັກແຂວງ ເລຂາ ຄະນະພັກຮາກຖານ ຫົວໜ້າ ພະແນກ ຊັບພະຍາກອນທໍາມະຊາດ ແລະສິ່ງແວດລ້ອມ ແຂວງ ບໍ່ແກ້ວ ໄດ້ມີຄໍາເຫັນໂອ້ລົມຕໍ່ກອງປະຊຸມ ດັ່ງນີ້:

   ພວກເຮົາຕ້ອງເຂົ້າໃຈວ່າ: ພັກປະຊາຊົນປະຕິວັດລາວ ແມ່ນພັກກໍາອໍານາດ ນໍາພາທົ່ວສັງຄົມໃນການປົກປັກຮັກສາແລະພັດທະນາປະເທດຊາດຕາມຈຸດໝາຍສັງຄົມນິຍົມ. ເພື່ອຍົກສູງຄວາມສາມາດນໍາພາຂອງພັກ ໃນຊຸມປີຜ່ານມາ ພັກເຮົາໄດ້ວາງຍຸດທະສາດໃນການກໍ່ສ້າງ ແລະ ປັບປຸງຕົນເອງໃນຫຼາຍດ້ານ; ໃນນັ້ນຖືເອົາການກໍ່ສ້າງໜ່ວຍພັກປວດໃສ, ເຂັ້ມແຂງ, ໜັກແໜ້ນ ເປັນໃຈກາງ.

    ຜ່ານການຈັດຕັ້ງປະຕິບັດຜ່ານມາ ພັກເຮົາກໍສະຫຼຸບຜົນງານໄດ້ຢ່າງຫຼວງຫຼາຍໜ່ວຍພັກ ແລະ ສະມາຊິກພັກໄດ້ມີການເຕີບໃຫຍ່ຂະຫຍາຍຕົວທາງດ້ານຈໍານວນ ແລະ ຄຸນນະພາບ ໄປຄຽງຄູ່ກັນນັ້ນ ພັກເຮົາຍັງຊອກໄດ້ເຫັນຢ່າງຈະແຈ້ງວ່າໜ່ວຍພັກ ຈໍານວນບໍ່ໜ້ອຍຍັງອ່ອນ ແລະ ບໍ່ຮູ້ນໍາພາ, ຄວາມເຂົ້າໃຈຕໍ່ການກໍ່ສ້າງໜ່ວຍພັກ ຍັງບໍ່ທັນເປັນເອກະພາບ.

   ແຕ່ເຖິງແນວໃດກໍຕາມ ເພື່ອເສີມຂະຫຍາຍມູນເຊື້ອອັນດີງາມແລະກໍາຈັດປັດເປົ່າບັນດາດ້ານອ່ອນ-ຂໍ້ຄົງຄ້າງ ແລະ ເຮັດໃຫ້ການຈັດຕັ້ງປະຕິບັດຄໍາສັ່ງເລກທີ 01 ຂອງກົມການເມືອງສູນກາງພັກ ວ່າດ້ວຍການສ້າງໜ່ວຍພັກໃຫ້ປອດໃສ, ເຂັ້ມແຂງ ແລະ ໜັກແໜ້ນ ທັງເປັນການຮັບປະກັນໃຫ້ແກ່ການຈັດຕັ້ງປະຕິບັດແຜນການກໍ່ສ້າງໜ່ວຍພັກປອດໃສ, ເຂັ້ມແຂງ ແລະ ໜັກແໜ້ນ ຂອງໜ່ວຍພັກ ບໍລິຫານ ແລະ ຈັດຕັ້ງໃຫ້ບັນລຸຕາມຄາດໝາຍທີ່ວາງໄວ້ນັ້ນ ຂ້າພະເຈົ້າຂໍມີຄໍາເຫັນເນັ້ນໜັກຕື່ມບາງບັນຫາດັ່ງນີ້:

1. ຮຽກຮ້ອງໃຫ້ບັນດາສະຫາຍໃນຄະນະພັກ ຕ້ອງຍົກສູງວຽກງານການສຶກສາອົບຮົມການເມືອງ-ແນວຄິດ ເປັນວຽກງານກົກ ແລະ ສອດຫ້ອຍໄປກັບວຽກງານວິຊາສະເພາະຂອງຕົນ ເພື່ອເຮັດໃຫ້ພະນັກງານ-ສະມາຊິກພັກທີ່ຢູ່ໃນຄວາມຮັບຜິດຊອບມີຄວາມໜັກແໜ້ນທາງດ້ານການເມືອງ, ມີຄຸນສົມບັດສິນທໍາປະຕິວັດ, ມີຄວາມບຸກບື່ນຫ້າວຫັນປະຕິບັດໜ້າທີ່ວິຊາສະເພາະ, ຊື່ສັດບໍລິສຸດ, ມີຄວາມເສຍສະລະ ແລະ ເປັນແບບຢ່າງນໍາໜ້າໃຫ້ແກ່ມະຫາຊົນໃນທຸກດ້ານ.
2. ປັບປຸງແບບແຜນວິທີເຮັດວຽກໃຫ້ດີກວ່າເກົ່າ,ປະຕິບັດຕາມຫຼັກການລວມສູນປະຊາທິປະໄຕ ຕົກລົງເປັນໝູ່ຄະນະ, ບຸກຄົນຮັບຜິດຊອບ, ປະຕິບັດຕາມມະຕິຢ່າງເຂັ້ມງວດ, ເພື່ອພ້ອມກັນຮັບມືກັບທີ່ວຽກງານອັນສໍາຄັນຂວາງໜ້າບັນດາສະຫາຍ ເປັນຕົ້ນແມ່ນ: ການຈັດຕັ້ງຜັນຂະຫຍາຍມະຕິກອງປະຊຸມໃຫຍ່ຄັ້ງທີ VI ແລະ ແຜນພັດທະນາເສດຖະກິດ-ສັງຄົມຂອງແຂວງບໍ່ແກ້ວໃຫ້ບັນລຸຕາມຄາດໝາຍທີ່ວາງໄວ້ ແລະ ການປະຕິບັດໜ້າທີ່ວຽກງານວິຊາສະເພາະຂອງຕົນ.
3. ສືບຕໍ່ຮັກສາມູນເຊື້ອຄວາມສາມັກຄີພາຍໃນພັກໃຫ້ໜັກແໜ້ນ,ເຂັ້ມແຂງ ແລະ ອີກບັນຫາໜຶ່ງທີ່ສໍາຄັນ ໂດຍອີງໃສ່ການສະຫຼຸບສະພາບເຄື່ອນໄຫວຊີ້ນໍາ - ນໍາພາ ຂອງໜ່ວຍພັກ ທີ່ໄດ້ຍົກໃຫ້ເຫັນດ້ານດີ, ດ້ານອ່ອນ-ຂໍ້ຄົງຄ້າງ ແລະ ບົດຮຽນທີ່ຖອດຖອນໄດ້ໃນໄລຍະຜ່ານມານັ້ນເຊິ່ງບັນດາສະຫາຍໄດ້ເອົາເປັນຂໍ້ມູນ ແລະ ເປັນບ່ອນອີງເພື່ອວາງແຜນການຄາດໝາຍສູ້ຊົນຂອງໜ່ວຍພັກໃນການສ້າງໜ່ວຍພັກໃຫ້ປອດໃສ, ເຂັ້ມແຂງ ແລະ ໜັກແໜ້ນ.

      ເຊິ່ງການກໍ່ສ້າງໜ່ວຍພັກໃຫ້ປອດໃສ, ເຂັ້ມແຂງ ແລະ ໜັກແໜ້ນນີ້ ເນື້ອໃນ, ຮູບການ ແລະ ວິທີການ ໂດຍພື້ນຖານກໍ່ຍັງແມ່ນຄ້າຍຄືກັນກັບການກໍ່ສ້າງໜ່ວຍພັກເຂັ້ມແຂງ-ຮູ້ນໍາພາຮອບດ້ານ; ສ່ວນລາຍລະອຽດນັ້ນ ສະເໜີໃຫ້ຄະນະໜ່ວຍພັກເອົາໃຈໃສ່ຄົ້ນຄວ້າ: ເຊື່ອມຊຶມຄໍາສັ່ງເລກທີ 01 ຂອງກົມການເມືອງສູນກາງພັກ ວ່າດ້ວຍການສ້າງພັກໃຫ້ປອດໃສ, ເຂັ້ມແຂງ, ໜັກແໜ້ນ ແລະ ບົດແນະນໍາເລກທີ 291 ຂອງຄະນະຈັດຕັ້ງສູນກາງພັກກ່ຽວກັບການຈັດຕັ້ງປະຕິບັດຄໍາສັ່ງດັ່ງກ່າວ ໃຫ້ເຂົ້າໃຈຢ່າງເລິກເຊິ່ງ ແລະ ຈັດຕັ້ງປະຕິບັດໃຫ້ຖືກຕ້ອງ ທັງຮັບປະກັນດ້ານຄຸນນະພາບ.

ກອງປະຊຸມດໍາເນີນຊີວິດການເມືອງ ໜ່ວຍພັກ ສິ່ງແວດລ້ອມ ປະຈໍາປີ 2020

Details

Written by ຫຸມພັນ ວໍລະຈັກ

Published: 26 November 2020

    ໃນວັນທີ 26 ພະຈິກ 2020 ເວລາ 8:00 ຢູ່ທີ່ຫ້ອງປະຊຸມ ພະແນກ ຊັບພະຍາກອນທໍາມະຊາດ ແລະສິ່ງແວດລ້ອມ ແຂວງ ບໍ່ແກ້ວ ໄດ້ເປີດກອງປະຊຸມ ດໍາເນີນຊິວິດການເມືອງ ປະຈໍາປີ 2020 ຂອງໜ່ວຍພັກ ສິ່່ງແວດລ້ອມ ພາຍໃຕ້ການເປັນປະທານຮ່ວມ ຂອງສະຫາຍ ຄໍາໝັ້ນ ຈັນທະລິດ ກໍາມະການພັກແຂວງ, ເລຂາ ຄະນະພັກຮາກຖານ, ຫົວໜ້າ ພະແນກ ຊັບພະຍາກອນທໍາມະຊາດ ແລະສິ່ງແວດລ້ອມ; ສະຫາຍ ຄໍາພູວົງ ອິນສີຊຽງໃໝ່ ເລຂາ ໜ່ວຍພັກ ສິ່ງແວດລ້ອມ ຮອງຫົວໜ້າ ພະແນກ ຊັບພະຍາກອນທໍາມະຊາດ ແລະສິ່ງແວດລ້ອມ ແຂວງ ບໍ່ແກ້ວ.

  ໃນພິທີ ຄະນະຈັດຕັ້ງພິທີໄດ້ຂື້ນກ່າວຈຸດປະສົງໃນການເປີດກອງປະຊຸມດໍາເນີນຊີວິດການເມືອງ ຂອງໜ່ວຍພັກ.

  ຈາກນັ້ນ ສະຫາຍ ຄໍາພູວົງ ອິນສີຊຽງໃໝ່ ເລຂາ ໜ່ວຍພັກສິ່ງແວດລ້ອມ ໄດ້ຂື້ນກ່າວເປີດກອງປະຊຸມດໍາເນີນຊີວິດການເມືອງຕີລາຄາຈັດແບ່ງປະເພດໜ່ວຍພັກ ແລະສະມາຊິກພັກ ປະຈໍາປີ 2020 ແລະ ຜ່ານທິດທາງແຜນການກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ ປະຈໍາປີ 2021 ຂອງໜ່ວຍພັກສິ່ງແວດລ້ອມ ໄດ້ໄຂຂຶ້ນດ້ວຍບັນຍາກາດທີ່ເບີກບານມ່ວນຊື່ນຕໍ່ຜົນສໍາເລັດອັນສໍາຄັນທີ່ພົ້ນເດັ່ນໃນຫຼາຍດ້ານນັບແຕ່ກອງປະຊຸມໃຫຍ່ຄັ້ງທີ I ມາຮອດປັດຈຸບັນເປັນຕົ້ນແມ່ນພາລະກິດປົກປັກຮັກສາ ແລະສ້າງສາພັດທະນາແຂວງບໍ່ແກ້ວ ເວົ້າລວມ ເວົ້າສະເພາະແມ່ນການຈັດຕັ້ງປະຕິບັດຜັນຂະຫຍາຍມະຕິກອງປະຊຸມໃຫຍ່ຄັ້ງທີ VI ຂອງອົງຄະນະພັກແຂວງ ແລະມະຕິກອງປະຊຸມໃຫຍ່ຄັ້ງທີ I ຂອງຄະນະພັກຮາກຖານ ພະແນກຊັບພະຍາກອນທໍາມະຊາດ ແລະ ສິ່ງແວດລ້ອມແຂວງກໍ່ຄືຂອງໜ່ວຍພັກສິ່ງແວດລ້ອມ ພວກເຮົາທີ່ໄດ້ປະກອບສ່ວນສ້າງສາພັດທະນາເສດຖະກິດ-ສັງຄົມ ເພື່ອກໍ່ສ້າງຊັບພະຍາກອນມະນຸດທາງດ້ານການເມືອງ-ແນວຄິດໃຫ້ໜັກແໜ້ນເຂັ້ມແຂງ ແລະຂະຫຍາຍຕົວຕາມທິດທີ່ພັກໄດ້ກໍານົດ,ຖັນແຖວສະມາຊິກພັກ-ພະນັກງານໄດ້ຮັບການບໍາລຸງກໍ່ສ້າງໃນຂະບວນການວຽກງານ ແລະພຶດຕິກໍາຕົວຈິງ;ໃນຂະບວນການອັນມີຄວາມໝາຍສໍາຄັນນີ້,ຄະນະພັກ,ສະມາຊິກພັກ,ພະນັກງານ-ລັດຖະກອນຂໍສະແດງຄວາມຮູ້ບຸນຄຸນຕໍ່ຄຸນງາມຄວາມດີ ແລະ ຜົນງານອັນໃຫຍ່ຫຼວງຂອງຜູ້ນໍາພັກ-ລັດ ໂດຍສະເພາະແມ່ນ ອາດີດທ່ານປະທານໄກສອນພົມວິຫານ ແລະ ຜູ້ນໍາອາວຸດໂສຜູ້ອື່ນໆທີ່ໄດ້ນໍາພາຕໍ່ສູ້ປົດປ່ອຍຊາດ ແລະ ສ້າງສາພັດທະນານໍາເອົາຄວາມຈະເລີນຮຸ່ງເຮືອງຄວາມຜາສຸກ,ຄວາມມັ່ງຄັ່ງເຂັ້ມແຂງຂອງປະເທດຊາດມາໃຫ້ປະຊາຊົນບັນດາເຜົ່າຂອງພວກເຮົາ.

    ກອງປະຊຸມດໍາເນີນຊີວິດການເມືອງ ປະຈໍາປີຄັ້ງນີ້ສຸດທີ່ມີຄວາມໝາຍຢ່າງຍິ່ງຊື່ງພວກເຮົາຈະໄດ້ພ້ອມກັນຕີລາຄາຄືນການຊີ້ນໍາ-ນໍາພາຂອງຄະນະໜ່ວຍພັກໃນໄລຍະຜ່ານມາພ້ອມນີ້ພວກເຮົາກໍຈະໄດ້ຄົ້ນຄວ້າແລະຮັບຮອງເອົາບັນດາເນື້ອໃນ ບົດສະຫຼຸບຕີລາຄາການຊີ້ນໍາ-ນໍາພາ ປະຈໍາປີ 2020 ແລະທິດທາງແຜນການກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ ປະຈໍາປີ 2021 ແລະ ບົດສໍາຫຼວດການນໍາພາລວມ ຂອງຄະນະໜ່ວຍພັກສິ່ງແວດລ້ອມມີດັ່ງນີ້:

ໜື່ງ: ຈະໄດ້ສັງເກດຕີລາຄາຄືນຢ່າງຮອບດ້ານກ່ຽວກັບຜົນຂອງການຈັດຕັ້ງປະຕິບັດຕະຫຼອດໄລຍະໜຶ່ງປີຜ່ານມາຊື່ງມີດ້ານດີ-ຜົນສໍາເລັດ,ດ້ານອ່ອນ-ຂໍ້ຄົງຄ້າງທີ່ຈະພ້ອມກັນແກ້ໄຂໃນຕໍ່ໜ້າ.

ສອງ: ກອງປະຊຸມຈະໄດ້ຜ່ານບົດສະຫຼຸບຕີລາຄາການຊີ້ນຳ-ນຳພາ ປະຈໍາປີ2020ແລະ ທິດທາງແຜນການກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ ປະຈໍາປີ 2021; ພ້ອມກັນນັ້ນກໍຈະໄດ້ຜ່ານບົດສໍາຫຼວດການນໍາພາລວມ ຂອງຄະນະໜ່ວຍພັກ ໃຫ້ປະກົດຜົນເປັນຈິງ.

ສາມ: ກອງປະຊຸມຈະໄດ້ຕີລາຄາຈັດແບ່ງປະເພດໜ່ວຍພັກ ແລະ ສະມາຊິກພັກ ແຕ່ລະສຫາຍພາຍໃນໜ່ວຍ ປະຈໍາປີ 2020 ໃຫ້ໄດ້ຮັບຜົນດີຕາມລະດັບຄາດໝາຍ.

ສີ່: ກອງປະຊຸມກໍຈະໄດ້ວາງທິດທາງແຜນການສູ້ຊົນໃນຕໍ່ໜ້າເພື່ອແນໃສ່ການຈັດຕັ້ງປະຕິບັດແນວທາງການປ່ຽນແປງໃໝ່ຂອງພັກກໍຄືໜ້າທີ່ການເມືອງຂອງຕົນໃຫ້ມີຜົນສໍາເລັດອັນໃຫຍ່ຫຼວງກວ່າເກົ່າ ເພື່ອປະກອບສ່ວນເຂົ້າໃນພາລະກິດປົກປັກຮັກສາ ແລະ ສ້າງສາປະເທດຊາດກໍ່ຄືແຂວງບໍ່ແກ້ວໃຫ້ເຕີບໃຫຍ່ຂະຫຍາຍຕົວຢ່າງຕໍ່ເນື່ອງ ແລະ ຖືກທິດພາຍໃຕ້ການຊີ້ນໍາ-ນໍາພາຂອງອົງຄະນະພັກແຂວງ.

ຫ້າ: ກອງປະຊຸມຍັງຈະໄດ້ຮັບຟັງການໂອ້ລົມຂອງຄະນະພັກຂັ້ນເທິງ ເຊີ່ງເປັນການຊີ້ທິດເຍືອງທາງໃນແນວທາງປະຕິບັດການເຄື່ອນໄຫວວຽກງານຮອບດ້ານໃນຊຸມປີຕໍ່ໜ້າ.ເພື່ອເຮັດໜ້າທີ່ສໍາຄັນໃນຄັ້ງນີ້ ແລະ ປະຕິບັດຕາມກົດລະບຽບຂອງພັກສະໄໝທີ XໃນໝວດທີVIມາດຕາ 32; ເພື່ອເຮັດໃຫ້ກອງປະຊຸມດໍາເນີນຊີວິດການເມືອງປະຈໍາປີ2020 ຂອງໜ່ວຍພັກສິ່ງແວດລ້ອມ ຄັ້ງນີ້ໄດ້ຮັບຜົນສໍາເລັດຢ່າງຈົບງາມຕາມຈຸດປະສົງ ແລະລະດັບຄາດໝາຍທີ່ໄດ້ວາງໄວ້. 

   ສະຫາຍ ແກ້ວອຸດົມ ພະຍາໄຊ ຮອງເລຂາໜ່ວຍພັກ ສິ່ງແວດລ້ອມ ໄດ້ຂື້ນຜ່ານບົດສະຫຼຸບຕີລາຄາການຊີ້ນຳ-ນຳພາ ປະຈໍາປີ 2020 ແລະທິດທາງແຜນການກໍ່ສ້າງໜ່ວຍພັກປອດໃສເຂັ້ມແຂງໜັກແໜ້ນ ປະຈໍາປີ 2021 ດັ່ງນີ້:

 1. ສະພາບລວມ: ໜ່ວຍພັກສິ່ງແວດລ້ອມ​​ ໄດ້ຮັບສ້າງຕັ້ງຂຶ້ນ ໃນວັນທີ 11 ກຸມພາ 2020 ຕາມມະຕິຕົກລົງຂອງຄະນະປະຈໍາພັກແຂວງບໍ່ແກ້ວ ສະບັບເລກທີ 178/ຄປພຂ.ບກ; ມີພາລະບົດບາດເປັນເສນາທິການໃຫ້ແກ່ຄະນະພັກຮາກຖານ ພະແນກຊັບພະຍາກອນທໍາມະຊາດ ແລະ ສິ່ງແວດລ້ອມແຂວງ, ມີ​ການຈັດຕັ້ງເຄື່ອນໄຫວຊີ້ນໍາ-ນໍາພາ ການຈັດຕັ້ງຜັນຂະຫຍາຍແນວທາງ, ແຜນນະໂຍບາຍຂອງພັກ, ລະບຽບກົດໝາຍຂອງລັດ ແລະ ແບບແຜນວິທີການເຮັດວຽກຂອງຄະນະໜ່ວຍພັກ, ສະມາຊິກພັກ ແລະ ພະນັກງານ-ລັດຖະກອນ ໃຫ້ນັບມື້ນັບເຕີບໃຫຍ່ເຂັ້ມແຂງຂະຫຍາຍຕົວ.

 ໜ່ວຍພັກສິ່ງແວດລ້ອມປະກອບມີຄະນະໜ່ວຍພັກ 3 ສະຫາຍ; ມີສະມາຊິກພັກທັງໝົດ 11ສະຫາຍ, ຍິງ 0 ສະຫາຍ. ໃນນັ້ນມີສະມາຊິກພັກສົມບູນ11ສະຫາຍ, ຍິງ0ສະຫາຍ; ປະກອບມີ 4 ຊົນເຜົ່າ ເຊັ່ນ: ເຜົ່າລະເມດ 1 ສະຫາຍ; ເຜົ່າພວນ 1 ສະຫາຍ, ເຜົ່າລື້ 3 ສະຫາຍ, ເຜົ່າລາວ 6 ສະຫາຍ, ຍິງ 0 ສະຫາຍ.

2. ຕີລາຄາດ້ານດີ, ດ້ານອ່ອນ ແລະ ບົດຮຽນທີ່ຖອດຖອນໄດ້ ຕາມ 05 ເນື້ອໃນ.

3. ສັງລວມການຕີລາຄາປະເມີນຜົນ ສະມາຊິກພັກ ແລະ ໜ່ວຍພັກ ສິ່ງແວດລ້ອມ.

4. ຜ່ານທິດທາງແຜນການກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ ປະຈໍາປີ 2021.

  ໃນຕອນທ້າຍ ສະຫາຍ ຄໍາໝັ້ນ ຈັນທະລິດ ກໍາມະການພັກແຂວງ ເລຂາ ຄະນະພັກຮາກຖານ ຫົວໜ້າ ພະແນກ ຊັບພະຍາກອນທໍາມະຊາດ ແລະສິ່ງແວດລ້ອມ ແຂວງ ບໍ່ແກ້ວ ໄດ້ມີຄໍາເຫັນໂອ້ລົມຕໍ່ກອງປະຊຸມ ດັ່ງນີ້:

1. ຮຽກຮ້ອງໃຫ້ບັນດາສະຫາຍໃນຄະນະໜ່ວຍພັກ ຕ້ອງຍົກສູງວຽກງານການສຶກສາອົບຮົມການເມືອງ-ແນວຄິດ ເປັນວຽກງານກົກ ແລະ ສອດຫ້ອຍໄປກັບວຽກງານວິຊາສະເພາະຂອງຕົນ ເພື່ອເຮັດໃຫ້ພະນັກງານ-ສະມາຊິກພັກທີ່ຢູ່ໃນຄວາມຮັບຜິດຊອບຂອງຕົນ ໃຫ້ມີຄວາມໜັກແໜ້ນທາງດ້ານການເມືອງ-ແນວຄິດ, ມີຄຸນສົມບັດສິນທໍາປະຕິວັດ, ມີຄວາມບຸກບື່ນຫ້າວຫັນປະຕິບັດໜ້າທີ່ວິຊາສະເພາະ, ສັດຊື່ບໍລິສຸດ, ມີຄວາມເສຍສະລະ ແລະ ເປັນແບບຢ່າງນໍາໜ້າໃຫ້ແກ່ມະຫາຊົນໃນທຸກດ້ານ.

2. ປັບປຸງແບບແຜນວິທີເຮັດວຽກໃຫ້ດີກວ່າເກົ່າ,ປະຕິບັດຕາມຫຼັກການລວມສູນປະຊາທິປະໄຕ, ຕົກລົງເປັນໝູ່ຄະນະ, ບຸກຄົນຮັບຜິດຊອບ, ປະຕິບັດຕາມມະຕິຢ່າງເຂັ້ມງວດ, ເພື່ອພ້ອມກັນຮັບມືກັບໜ້າທີ່ວຽກງານອັນສໍາຄັນຂວາງໜ້າບັນດາສະຫາຍ ເປັນຕົ້ນແມ່ນການຈັດຕັ້ງປະຕິບັດຜັນຂະຫຍາຍມະຕິກອງປະຊຸມໃຫຍ່ຄັ້ງທີ VIຂອງອົງຄະນະພັກແຂວງບໍ່ແກ້ວ ແລະ ແຜນພັດທະນາເສດຖະກິດ-ສັງຄົມຂອງແຂວງ ໃຫ້ບັນລຸຕາມຄາດ ໝາຍທີ່ວາງໄວ້ ແລະ ການປະຕິບັດໜ້າທີ່ວຽກງານວິຊາສະເພາະຂອງຕົນ.

3. ສືບຕໍ່ຮັກສາມູນເຊື້ອຄວາມສາມັກຄີພາຍໃນພັກໃຫ້ໜັກແໜ້ນເຂັ້ມແຂງ ແລະ ອີກບັນຫາໜຶ່ງທີ່ສໍາຄັນ ໂດຍອີງໃສ່ບົດສະຫຼຸບຕີລາຄາການຊີ້ນໍາ-ນໍາພາ ຂອງຄະນະໜ່ວຍພັກ ທີ່ໄດ້ຍົກໃຫ້ເຫັນດ້ານດີ, ດ້ານອ່ອນ-ຂໍ້ຄົງຄ້າງ ແລະ ບົດຮຽນທີ່ຖອດຖອນໄດ້ໃນໄລຍະຜ່ານມານັ້ນ,ໃຫ້ບັນດາສະຫາຍໄດ້ເອົາເປັນຂໍ້ມູນແລະເປັນບ່ອນອີງເພື່ອວາງແຜນການຄາດໝາຍສູ້ຊົນຂອງໜ່ວຍພັກໃນການກໍ່ສ້າງໜ່ວຍພັກປອດໃສ, ເຂັ້ມແຂງ ແລະໜັກແໜ້ນ ໃນຕໍ່ໜ້າ.

ກອງປະຊຸມໃຫຍ່ ຄັ້ງທີ II ຂອງໜ່ວຍພັກ ພະແນກ ຊັບພະຍາກອນທໍາມະຊາດ ແລະ ສິ່ງແວດລ້ອມ ແຂວງບໍ່ແກ້ວ

Details

Written by ຫຸມພັນ ວໍລະຈັກ

Published: 10 March 2020

     ວັນທີ 13 ກຸມພາ 2020 ໜ່ວຍພັກ ພະແນກ ຊັບພະຍາກອນທໍາມະຊາດ ແລະ ສິ່ງແວດລ້ອມ ແຂວງບໍ່ແກ້ວ ໄດ້ເປີດກອງປະຊຸມໃຫຍ່ຄັ້ງທີ II ຂື້ນຢ່າງເປັນທາງການ ພາຍໃຕ້ການເປັນປະທານ ຂອງສະຫາຍ ປອ ບົວຄົງ ນາມມະວົງ ກໍາມະການ ສໍາຮອງສູນກາງພັກ ເລຂາຄະນະບໍລິຫານງານພັກແຂວງ ເຈົ້າແຂວງບໍ່ແກ້ວ; ສະຫາຍ ຄໍາໝັ້ນ ຈັນທະລິດ ເລຂາໜ່ວຍພັກ ຫົວໜ້າ ພະແນກຊັບພະຍາກອນທໍາມະຊາດ ແລະ ສິ່ງແວດລ້ອມ ແຂວງບໍ່ແກ້ວ; ສະຫາຍ ເພັງສອນ ແກ້ວວິໄລ ຄະນະປະຈໍາພັກແຂວງ ຫົວໜ້າຄະນະຈັດຕັ້ງແຂວງບໍ່ແກ້ວ; ສະຫາຍ ຄອນສະຫວັນ ຊາພັກດີ ຄະນະປະຈໍາພັກແຂວງ ປະທານກວດກາພັກ-ລັດແຂວງບໍ່ແກ້ວ; ສະຫາຍ ນາງ ສົມປອງ ຈິດຕະພົງ ຫົວໜ້າສະຫະພັນແມ່ຍິງ ພະແນກຊັບພະຍາກອນທໍາມະຊາດ ແລະ ສິ່ງແວດລ້ອມ ແຂວງບໍ່ແກ້ວ. ມີສະມາຊິກພັກສົມບູນເຂົ້າຮ່ວມ 38 ສະຫາຍ ຍິງ 7 ສະຫາຍ ແລະ ແຂກຖືກເຊີນ 34 ສະຫາຍ.

Read more: ກອງປະຊຸມໃຫຍ່ ຄັ້ງທີ II ຂອງໜ່ວຍພັກ ພະແນກ ຊັບພະຍາກອນທໍາມະຊາດ ແລະ ສິ່ງແວດລ້ອມ ແຂວງບໍ່ແກ້ວ

ກອງປະຊຸມໃຫຍ່ຄະນະພັກຮາກຖານ ພະແນກຊັບພະຍາກອນທໍາມະຊາດ ແລະ ສິ່ງແວດລ້ອມ ແຂວງບໍ່ແກ້ວ

Details

Written by ຫຸມພັນ ວໍລະຈັກ

Published: 11 March 2020

          ກອງປະຊຸມໃຫຍ່ຄະນະພັກຮາກຖານ ພະແນກຊັບພະຍາກອນທໍາມະຊາດ ແລະ ສິ່ງແວດລ້ອມ ແຂວງບໍ່ແກ້ວ ໄດ້ໄຂຂຶ້ນຢ່າງເປັນທາງການໃນຕອນບ່າຍ ຂອງວັນທີ13 ກຸມພາ 2020 ມີຜູ້ແທນສົມບູນເຂົ້າຮ່ວມທັງໝົດ 38 ສະຫາຍ, ຍິງ 07 ສະຫາຍ. ເຊິ່ງເປັນຕົວແທນໃຫ້ແກ່ສະມາຊິກພັກທັງໝົດ 38 ສະຫາຍ, ແຂກຖືກເຊີນ 34 ສະຫາຍ, ບັນດາສະຫາຍເຂົ້າຮ່ວມກອງປະຊຸມໄດ້ຍົກສູງຄວາມຮັບຜິດຊອບ ແລະ ຜູ້ແທນກອງປະຊຸມໃຫຍ່ໄດ້ສຸມສະຕິປັນຍາຂອງຕົນເຂົ້າໃນການຄົ້ນຄວ້າເຂົ້າໃນການ ປະກອບຄຳຄິດຄຳເຫັນ ເຮັດໃຫ້ກອງປະຊຸມດຳເນີນໄປດ້ວຍບັນຍາກາດຟົດຟື້ນ ແລະ ສໍາເລັດຕາມຈຸດປະສົງທີ່ ວາງໄວ້.

          ໃນກອງປະຊຸມໃຫຍ່ຄະນະພັກຮາກຖານ ພະແນກຊັບພະຍາກອນທໍາມະຊາດ ແລະ ສິ່ງແວດລ້ອມ ແຂວງບໍ່ແກ້ວ ຄັ້ງທີ I ໄດ້ປະຊາມະຕິເປັນເອກະສັນກັນ ຮັບຮອງເອົາບັນດາ ເນື້ອໃນທີ່ສຳຄັນ ດັ່ງລຸ່ມນີ້:

1. ເພີ່ມທະວີຄວາມສາມັກເປັນເອກະພາບໃນທົ່ວຄະນະພັກ ຮັບປະກັນໃຫ້ພາຍໃນມີຄວາມສະຫງົບທາງດ້ານແນວຄິດເຊື່ອໝັ້ນຕໍ່ອຸດົມການ, ຕໍ່ແນວທາງແຜນນະໂຍບາຍ ແລະ ບົດບາດການນຳພາຂອງພັກ, ຮັບປະກັນຄວາມເປັນເອກະພາບສູງ ແລະ ຄວາມໜັກແໜ້ນທາງດ້ານການເມືອງ-ແນວນຄິດໃນຖັນແຖວພະນັກງານ, ສະມາຊິກພັກ, ເຮັດບົດບາດເປັນຄັນທຸງເຕົ້ມໂຮມຄວາມສາມັກຄີ, ເຮັດສຳເລັດໜ້າທີ່ການເມືອງຢ່າງມີຄຸນນະພາບ ແລະ ມີປະສິດທິຜົນສູງ.
2. ປັບປຸງກໍ່ສ້າງໜ່ວຍພັກໃຫ້ປອດໃສ, ເຂັ້ມແຂງ ແລະ ໜັກແໜ້ນ, ຍົກສູງທາງດ້ານຄຸນນະພາບຂອງສະມາຊິກພັກ ແລະ ໜ່ວຍພັກໃຫ້ມີຄວາມປອດໃສ, ເຂັ້ມແຂງທາງດ້ານການເມືອງແນວຄິດ, ການຈັດຕັ້ງ, ແບບແຜນນຳພາໃຫ້ມີປະສິດທິພາບສູງ.
3. ສືບ​ຕໍ່ຊີ້​ນຳ-ນຳ​ພາ ການຂຶ້ນທະບຽນ, ອອກໃບຕາດິນໃນທົ່ວແຂວງໃຫ້ໄດ້ 16.500 ຕອນ, ຂຶ້ນສຳມະໂນທີ່ດິນໃຫ້ໄດ້ 19.000 ຕອນ, ສືບຕໍ່ຈັດສັນການນຳໃຊ້ທີ່ດິນ 08 ປະເພດ ຂັ້ນບ້ານ-ກຸ່ມບ້ານ ແບບມີສ່ວນຮ່ວມ ຢູ່ໃນ​ເມືອງປາກທາ ທີ່ຍັງເຫຼືອຈຳນວນ 13 ບ້ານ ແລະ ເມືອງ​ຕົ້ນ​ເຜິ້ງ ຈຳ​ນວນ 34 ບ້ານ, ສ້າງແຜນຄຸ້ມຄອງທີ່ດິນແບບຮອບ ດ້ານໃນທົ່ວແຂວງໃຫ້ສຳ​ເລັດ​ຕາມ​ແຜນ​ການ.
4. ສືບຕໍ່ລົງເກັບກໍາຂໍ້ມູນແມ່ນໍ້າສາຂາ, ແມ່ນ້ຳຍ່ອຍຢູ່ບັນດາເມືອງພາຍໃນແຂວງສ້າງເປັນຂໍ້ມູນໃນການຄຸ້ມຄອງຊັບພະຍາກອນນ້ຳ ເພື່ອ​ສະ​ດວກ​ໃນ​ການ​ຕິດ​ຕາມກວດ​ກາ​ຢ່າງ​ເປັນ​ລະ​ບົບ.
5. ສືບຕໍ່ລົງສໍາຫຼວດ, ກວດກາເກັບຕົວຢ່າງຄຸນນະພາບນໍ້າເປັນຕົ້ນແມ່ນແມ່ນໍ້າຫຼັກ, ແມ່ນໍ້າສາຂາຢູ່ 5 ເມືອງເຂດເປົ້າ ໝາຍ.
6. ສືບ​ຕໍ່​ເອົາ​ໃຈ​ໃສ່ຊຸກຍູ້ບັນດາໂຄງການລົງທຶນພາກ​ເອ​ກະ​ຊົນ​ພາຍ​ໃນ ແລະ ຕ່າງ​ປະ​ເທດໃຫ້ປະ​ຕິ​ບັດ​ຖືກ​ຕ້ອງ​ຕາມ​ລະ​ບຽບ​ກົດ​ໝາຍ​ເປັນ​ຕົ້ນ: ການສ້າງແຜນຄຸ້ມຄອງ​ບັນ​ຫາ​ສິ່ງ​ແວດ​ລ້ອມ​ໃຫ້​ລະ​ອຽດ ແລະ ໃຫ້​ໄດ້​ຮັບ​ການ​ຈັດ​ຕັ້ງ​ປະ​ຕິ​ບັດ​ຕາມ​ແຜນ.
7. ສືບ​ຕໍ່ລົງ​ຕິດ​ຕາມ, ກວດກາ ແກ້ໄຂບັນຫາຜົນກະທົບຕໍ່ສິ່ງແວດລ້ອມທຳມະຊາດ-ສັງຄົມຈາກໂຄງ ການລົງທຶນ ແລະ ກິດຈະການທີ່ມີຜົນກະທົບດ້ານລົບຕໍ່ສິ່ງແວດລ້ອມທຳມະຊາດ ແລະ ສັງຄົມ.ຫລັງຈາກນັ້ນ ຜູ້ແທນກອງປະຊຸມ ໄດ້ພ້ອມກັນໃຊ້ສິດປະຊາທິປະໄຕຂອງຕົນ ປ່ອນບັດເລືອກເອົາຄະນະພັກຮາກຖານ/ຄະນະໜ່ວຍພັກຊຸດໃໝ່ ບົນພື້ນຖານມາດຕະຖານ, ເງື່ອນໄຂທີ່ໄດ້ກຳນົດໄວ້ ເຊິ່ງມີຜູ້ຮັບສະໝັກເລືອກຕັ້ງ 7 ສະຫາຍ, ແລະ ເລືອກໄດ້ 5 ສະຫາຍ ຄື:

1. ສະຫາຍ ຄໍາໝັ້ນ ຈັນທະລິດ
2. ສະຫາຍ ຄໍາພູວົງ ອິນສີຊຽງໃໝ່
3. ສະຫາຍ ແກ່ນຈັນ ທໍາມະແສງ
4. ສະຫາຍ ວົງລັກ ພອນຈະເລີນ
5. ສະຫາຍ ໄຊສົມພອນ ຈັນທະສົມບູນກອງປະຊຸມໃຫຍ່ໄດ້ຮັບຟັງການໂອ້ລົມຈາກ ສະຫາຍ ປອ ບົວຄົງ ນາມມະວົງ ກໍາມະການສໍາຮອງສູນກາງພັກ, ເລຂາຄະນະບໍລິຫານງານພັກແຂວງ, ເຈົ້າແຂວງໆບໍ່ແກ້ວ ເຊິ່ງສະຫາຍໄດ້ສະແດງ ຄວາມຍ້ອງຍໍຊົມເຊີຍຕໍ່ການຊີ້ນໍາ-ນໍາພາຂອງຄະນະພັກຊຸດເກົ່າ ທີ່ໄດ້ຊີ້ນໍາ-ນໍາພາພະນັກງານ-ລັດຖະກອນ, ສະມາຊິກພັກ, ປະຕິບັດໜ້າທີ່ການເມືອງຂອງຕົນ, ຍາດໄດ້ຜົນສຳເລັດຫຼາຍດ້ານ. ພ້ອມກັນນັ້ນ ສະຫາຍຍັງໄດ້ສະແດງຄວາມ ເປັນຫ່ວງເປັນໄຍຕໍ່ດ້ານອ່ອນ, ຂໍ້ຄົງຄ້າງຫຼາຍດ້ານດັ່ງນີ້:

1. ການສຶກສາອົບຮົມການເມືອງ-ແນວຄິດ ຍັງບໍ່ທັນດໍາເນີນຢ່າງຕໍ່ເນື່ືອງ, ບໍ່ທັນມີຫຼາຍຮູບຫຼາຍສີ ເຮັດໃຫ້ຄວາມຮັບຮູ້, ຄວາມເຂົ້າໃຈ ຂອງສະມາຊິກພັກຈໍານວນໜຶ່ງ ຍັງບໍ່ທັນເລີກເຊິ່ງເຖິງຖອງ, ຄວາມເປັນເຈົ້າການ, ຄວາມຮັບຜິດຊອບ ແລະ ຫົວຄິປະດິດສ້າງຕໍ່ໜ້າທີ່ວຽກງານ ຍັງບໍ່ທັນສູງ.
2. ການປັບປຸງກໍ່ສ້າງພັກ ຍັງບໍ່ທັນຮັບປະກັນດ້ານຄຸນນະພາບ, ການປະຕິບັດຫຼັກການລວມສູນປະຊາທິປະໄຕພາຍໃນພັກ ຍັງບໍ່ທນໄດ້ດີ, ການປະຕິບັດລະບອບຕໍານິຕິຊົມຕົນເອງ, ຕໍານິຕິຊົມເຊິ່ງກັນ ແລະ ກັນ ຍັງບໍ່ທັນແຂງແຮງ, ພະນັກງານສະມາຊິກພັກຈໍານວນໜຶ່ງ ຍັງຂາດຄວາມເປັນແບບຢ່າງນໍາໜ້າ, ການກວດກາ, ການຄຸ້ມຄອງປ້ອງກັນພັກ ຍັງມີຫຼາຍດ້ານທີ່ຈະຕ້ອງໄດ້ປັບປຸງຄືນ.
3. ການບໍາລຸງສ້າງພະນັກງານ ເຖິ່ງວ່າໄດ້ຖືເປັນບັນຫາສໍາຄັນ ແຕ່ເຫັນວ່າຄຸນນະພາບການກໍ່ສ້າງພະນັກງານ ຍັງບໍ່ທັນສູງເມືອທຽບໃສ່ຄວາມຮຽກຮ້ອງຕ້ອງການ, ເນື້ອໃນການກໍ່ສ້າງ ແລະ ບໍາລຸງພະນັກງານມີບາງອັນບໍ່ທັນສອດຄອງ ແລະຕິດພັນກັບໂຕຈິ່ງຂອງໜ້າທີ່ວຽກງານ.

ພ້ອມນັ້ນ ສະຫາຍຍັງຮຽກຮ້ອງໃຫ້ຄະນະພັກຮາກຖານພັກຊຸດໃໝ່ ຈະຕ້ອງໄດ້ສືບຕໍ່ປັບປຸງ, ແກ້ໄຂ:

1. ຖືເອົາວຽກງານການເມືອງແນວຄິດເປັນປັນຫາກົກ ໃນການສຶກສາອົບຮົມໃຫ້ພະນັກງານສະມາຊິກພັກຮັບຮູ້ ແລະ ເຂົ້າໃຈຕໍ່ແນວທາງນະໂຍບາຍຂອງພັກ-ລັດ ຢ່າງເລີກເຊິງ ໂດຍການຈັດຕັ້ງເຊື່ອມຊືມ ແລະ ຜັນຂະຫຍາຍເຂົ້າສູ່ວຽກງານຕົວຈິງໃຫ້ມີຜົນສໍາເລັດ.
2. ຕ້ອງຕັ້ງໜ້າເສີມຂະຫຍາຍ ແບບແຜນນໍາພາ ແລະ ການເຄືອນໄຫວໂດຍອີງໃສຈຸດພິເສດເງືອນໄຂສະເພາະຂອງພະແນກຊັບພະຍາກອນທໍາມະຊາດ ແລະ ສິ່ງແວດລ້ອມແຂວງ ແລະ ການຊີ້ນໍາ-ນໍາພາ ຂອງຄະນະພັກຕ້ອງຕິດພັນຢ່າງສະນິດແໜ້ນກັບບັນດາໜ່ວຍພັກ, ສະມາຊິກພັກເປັນປົກກະຕິ.
3. ເອົາໃຈໃສປັບປຸງຂະຫຍາຍພັກ, ກໍ່ສ້າງພັກໃຫ້ຖຶກຕ້ອງຕາມກົດລະບຽບຂອງພັກ ໂດຍຖຶເອົາຄຸນນະພາບເປັນກົກ, ກໍ່ສ້າງ ແລະ ປັບປຸງພັກປອດໃສ, ເຂັ້ມແຂງ ແລະ ໜັກແໜ້ນຢ່າງຮອບດ້ານ. ຕ້ອງສ້າງພັກໃຫ້ຖຶກຕ້ອງຕາມ 5 ຫຼັກການ 3 ທິດນໍາ ຕາມກົດລະບຽບພັກ. ເອົາໃຈໃສສ້າງໜ່ວຍພັກ ໃຫ້ກ່າຍເປັນໜ່ວຍພັກ, ຄະນະພັກຮາກຖານປອດໃສ, ເຂັ້ມແຂງ ແລະ ໜັກແໜ້ນ, ສະມາຊິກພັກຕ້ອງເປັນແບບຢ່າງນໍາໜ້າໃນທຸກວຽກງານຢ່າງແທ້ຈິງ ຕ້ອງເອົາໃຈໃສໃນການຕິດຕາມໃກ້ສິດຕິດແທດ ມີຄວາມເປັນຫວງເປັນໄຍ ແລະ ກໍາ ແໜ້ນຄວາມມຸ້ງມາດປາດຖະ ໜາ ແລະ ເຄືອນໄຫວຂອງສະມາຊິກພັກ, ພະນັກງານ-ລັດຖະກອນຂອງຕົນເປັນປົກກະຕິ. ຊຸກຍູ້ບັນດາອົງການຈັດຕັ້ງມະຫາຊົນໃຫ້ມີການເຄືອນໄຫວຢ່າງຕັ້ງໜ້າ ເອົາໃຈໃສປັບປຸງປັບປຸງແບບແຜນວິທີເຮັດວຽກງານຂອງຕົນ.ເອົາໃຈໃສຂອດການສ້າງແຜນການການເຄືອນໄຫວຕາມແຜນ ການເຮັດວຽກ ຕ້ອງມີຈຸດສຸມຈຸດໃຈກາງ ແລະ ຄາດໝາຍສູ້ຊົນລະອຽດຈະແຈ້ງ ມີການປະສານງານ, ປະສານສົມທົບກັບພາກສ່ວນທີ່ກຽ່ວຂ້ອງສາຍຕັ້ງ, ສາຍຂວາງໃຫ້ສອດຄອງ ແລະ ກົມກຽ່ວກັນເປັນຢ່າງດີ.
4. ດ້ານວຽກງານວິຊາສະເພາະ ພວກສະຫາຍຕ້ອງໄດ້ເພີ້ມທະວີການຄົ້ນຄ້ວາ, ວິໃຈ ແລະ ໄຈ້ແຍກໃຫ້ລະອຽດຖີ່ຖ້ວນ, ຈະແຈ້ງ ເປັນຕົ້ນ ວຽກງານທີ່ດິນ ຫ່າງສຽງຂອງສັງຄົມຈົມວ່າ ພວກເຮົາຕ້ອງໄດ້ເກັບກໍາຂໍ້ມູນໃຫ້ເຊັດເຈນຄົບຖ້ວນ ຈິ່ງຈະອອກໃບຕາດິນໃຫ້ເຂົົາເຈົ້າໄດ້ ຫຼີ້ກເວັນການອອກໃບຕາດິນຊໍາຊ້ອນກັນຫຼືໃບດຽວມີສອງສິດນໍາໃຊ້, ອິກບັນຫາໜຶ່ງ ວຽກງານສິ່ງແວດລ້ອມ ກໍ່ເປັນວຽກໜຶ່ງທີ່ເປັນສິ່ງທ້າທາຍ ແລະ ສົ່ງຜົນສະທ້ອນໂດຍກົງຕໍ່ກັບການດໍາລົງຊີວິດຂອງປະຊາຊົນບັນດາເຜົ່າ ເປັນຕັົ້ນ ການນໍາໃຊ້ສານເຄມີນັບມື້ນັບຫຼາຍ ພວກຕ້ອງໄດ້ເອົາໃຈໃສຄຸ້ມຄອງໃຫ້ມີຄວາມຮັດກຸມ ແລະ ເຂັ້ມງວດ, ເອົາໃຈໃສເຝົ້າລະວັງຕິດຕາມສະພາບດິນຟ້າອາກາດ ແລະ ການແຈ້ງເຕືອນໄພທໍາມະຊາດທີອາດຈະເກີດຂື້ນໃຫ້ທັນກັບສະພາບ, ພ້ອມທັງເປັນເຈົ້າການສົມທົບກັບພາກສ່ວນທີກຽ່ວຂ້ອງ ແກ້ໄຂບັນຫາຕ່າງໆ ທີ່ຕິດພັນກັບວຽກງານວິຊາສະເພາະຂອງຕົນ.
5. ຄະນະພັກ-ຄະນະນໍາ ຕ້ອງເອົາໃຈໃສ່ເຕົ້າໂຮມຄວາມສາມັກຄີພາຍໃນໃຫ້ມີຄວາມເປັນເອກະພາບ ມີຄວາມເປັນປຶກແຜນ ຮັກສາໄດ້ມູນເຊື້ອຄວາມສາມັກຄີ ສາມາດໃຫ້ກ່າຍເປັນກໍາລັງແຮງໃນການເຂົ້າຮ່ວມການຈັດຕັ້ງຜັນຂະຫຍາຍມະຕິກອງປະຊຸມໃຫ່ຍຄັ້ງທີ Iໃຫ້ມີຜົນສໍາເລັດຕາມແຜນການ.

     ໃນຕອນທ້າຍກອງປະຊຸມປະທານກອງປະຊຸມໄດ້ໃຫ້ທິດຊີ້ນໍາບັນດາສະມາຊິກພັກ ຈົ່ງໄດ້ເຊີດຊູສະຕິ ແລະ ຍົກສູງຄວາມຮັບຜິດຊອບການ ເມືອງຂອງຕົນເຮັດໃຫ້ວຽກງານຊັບພະຍາກອນທໍາມະຊາດ ແລະ ສິ່ງແວດລ້ອມ ມີການຫັນປ່ຽນໃໝ່ທີ່ຕັ້ງໜ້າ, ເຮັດໃຫ້ພັກມີຄວາມປອດໃສ, ເຂັ້ມແຂງ ແລະ ໜັກແໜ້ນ.