ພິທີ ມອບ-ຮັບ ບັດສະມາຊິກພັກ ຊຸດທີ່ II ແລະ ພິທີ ມອບ-ຮັບ ໃບຢັ້ງຢືນ ໜ່ວຍພັກປອດໃສ,ເຂັ້ມແຂງ,ໜັກແໜ້ນ ປະຈຳປີ 2022 ຂອງພະແນກຊັບພະຍາກອນທຳມະຊາດ ແລະ ສິ່ງແວດລ້ອມ ແຂວງບໍ່ແກ້ວ.

    ຕອນເຊົ້າຂອງວັນທີ 02 ສິງຫາ 2023 ເວລາ 8:00 ນາທີ ຢູ່ທີ່ຫ້ອງປະຊຸມພະແນກ ຊສ ແຂວງບໍ່ແກ້ວໄດ້ມີພິທີ ມອບໃບຍ້ອງຍໍຜົນງານປະຈຳປີ,ພິທີ ມອບ-ຮັບ ບັດສະມາຊິກພັກ ແລະ ພິທີ ມອບ-ຮັບ ໃບຢັ້ງຢືນໜ່ວຍພັກປອດໃສ,ເຂັ້ມແຂງ,ໜັກແໜ້ນ ປະຈຳປີ 2022 ພາຍໃຕ້ການເປັນປະທານຂອງ ສະຫາຍ ສົມພອນ ແກ້ວມະນີ ຄະນະປະຈຳພັກແຂວງ ຫົວໜ້າ ຄະນະຈັດຕັ້ງແຂວງ.

      ເຂົ້າຮ່ວມມີພະນັກງານ,ສະມາຊິກພັກສົມບູນ,ສຳຮອງມີທັງໝົດ 54 ສະຫາຍ,ຍີງ 15 ສະຫາຍໃນນັ້ນມີສະມາຊິກພັກ 45 ສະຫາຍ,ຍີງ 11 ສະຫາຍ,ສຳຮອງ 5 ສະຫາຍ,ຍີງ 01 ສະຫາຍ ແລະ ແຂກທີຖືກເຊີນຈາກພາກສ່ວນທີ່ກ່ຽວຂ້ອງຂອງແຂວງເຊັ່ນ:ຄະນະຈັດຕັ້ງແຂວງ,ຄະນະກວດກາແຂວງ ແລະ ພະແນກພາຍໃນແຂວງ ຈຳນວນ 3 ສະຫາຍ,ຍີງ 01 ສະຫາຍ.

      ກອງປະຊຸມຄັ້ງນີ້ຍັງໄດ້ຜ່ານເອກະສານສານທີ່ສຳຄັນເຊັ່ນ:ຜ່ານມະຕິຕົກລົງຂອງຄະນະປະຈຳພັກແຂວງ ວ່າດ້ວຍການຮັບຮອງອອກບັດໃຫ້ສະມາຊິກພັກສົມບູນທີ່ຄົບມາດຖານ ສະບັບເລກທີ່ 1219/ຄປພຂ,ບໍ່ແກ້ວລົງວັນທີ່ 20/09/2023,ມະຕິຕົກລົງຂອງຄະນະປະຈຳພັກແຂວງ ວ່າດ້ວຍການຮັບຮອງໜ່ວຍພັກປອດໃສ,ເຂັ້ມແຂງ,ໜັກແໜ້ນ ປະຈຳປີ 2022,ສະບັບເລກທີ່ 233/ຄປພຂ.ບກ,ບໍ່ແກ້ວລົງວັນທີ 06/02/2023,ມະຕິຕົກລົງຂອງຄະນະປະຈຳພັກແຂວງ ວ່າດ້ວຍການຮັບຮອງໜ່ວຍພັກປອດໃສ,ເຂັ້ມແຂງ,ໜັກແໜ້ນ ປະຈຳປີ 2022 ສະບັບເລກທີ່ 197/ຄປພຂ.ບກ,ບໍ່ແກ້ວລົງວັນທີ 19/01/2023,ຂໍ້ຕົກລົງ ວ່າດ້ວຍການຍ້ອງຍໍກົມກອງ,ບຸກຄົນ ແລະ ບ້ານທີ່ມີຜົນງານດີເດັ່ນ ໃນການປະກອບສ່ວນປົກປັກຮັກສາ ແລະ ສ້າງສາພັດທະນາປະເທດຊາດກໍ່ຄືແຂວງບໍ່ແກ້ວ ປະຈຳປີ 2022 ສະບັບເລກທີ່ 252/ຈຂ.ບກ,ບໍ່ແກ້ວລົງວັນທີ 02/03/2023,ຂໍ້ຕົກລົງວ່າດ້ວຍການຍ້ອງຍໍສັນລະເສີນຜູ້ທີມີຜົນງານດີເດັ່ນໃນການປະກອບສ່ວນເຂົ້າໃນວຽກງານຂອງ ພະແນກ ຊສ ແຂວງ ປະຈຳປີ 2022 ສະບັບເລກທີ່ 0574/ພຊສຂ,ບໍ່ແກ້ວລົງວັນທີ 19/06/2023.

ລາຍລະອຽດມີດັ່ງນີ້:

1. ໃບຍ້ອງຍໍຂອງທ່ານເຈົ້າແຂວງໆບໍ່ແກ້ວ ຈຳນວນ 39 ທ່ານ,ຍິງ 11 ທ່ານ.
2. ໃບຍ້ອງຍໍຂອງພະແນກ ຊສ ແຂວງບໍ່ແກ້ວ ຈຳນວນ 21 ທ່ານ,ຍິງ 06 ທ່ານ.
3. ຮັບບັດສະມາຊິກພັກ ຂອງຄະນະພັກຮາກຖານ ພຊສ ແຂວງ ທີຄົບມາດຖານ ຈຳນວນ 03 ທ່ານ,ຍິງ 01 ທ່ານ.
4. ຮັບໃບຢັ້ງຢືນ ໜ່ວຍພັກ ປອດໃສ,ເຂັ້ມແຂງ,ໜັກແໜ້ນ ປະຈຳປີ 2022 ຂອງໜ່ວຍພັກທີ່ຂື້ນກັບຄະນະພັກຮາກຖານ ພະແນກ ຊສ ແຂວງບໍ່ແກ້ວ ມີ 02 ໜ່ວຍພັກຄື:ໜ່ວຍພັກບໍລິຫານ-ຈັດຕັ້ງ ແລະ ໜ່ວຍພັກທີ່ດິນ.

              ທ້າຍນີ້ ສະຫາຍ ສົມພອນ ແກ້ວມະນີ ຄະນະປະຈຳພັກແຂວງ ຫົວໜ້າຄະນະຈັດຕັ້ງແຂວງໄດ້ມີຄຳເຫັນໂອ້ລົມຕໍ່ກອງປະຊຸມເພື່ອເຮັດໃຫ້ສະມາຊິກພັກທຸກສະຫາຍຮັບຮູ້ເຂົ້າໃຈ,ກຳແໜ້ນຕໍ່ແນວທາງນະໂຍບາຍຂອງພັກ ຕ້ອງເຄົາລົບຕໍ່ກົດລະບຽບຂອງພັກປະຊາຊົນປະຕິວັດລາວ ສະໄໝທີ XI ແລະ ຮັບຜິດຊອບຕໍ່ໜ້າທີ່ການເມືອງຂອງພັກຕາມ 5 ຫຼັກການ 3 ທິດຊີ້ນໍາ,ຍົກສູງຄວາມຮັບຜິດຊອບທາງດ້ານວຽກງານວິຊາສະເພາະຂອງຕົນໃຫ້ມີຄວາມຫ້າວຫັນຕໍ່ໜ້າທີ່ວຽກງານໃຫ້ສຳເລັດຕາມລະດັບຄາດໝາຍທີ່ວາງໄວ້ໃຫ້ສະມາຊິກພັກທຸກສະຫາຍມີແນວຄິດອຸ່ນອຽງທຸ່ນທຽງ,ມີທັດສະນະຫຼັກໝັ້ນ,ເອົາໃຈໃສ່ເພີ້ມທະວີວຽກງານການຊີ້ນໍາ-ນໍາພາວຽກງານຂອງພັກ,ວຽກງານວິຊາສະເພາະ,ວຽກງານອົງການຈັດຕັ້ງມະຫາຊົນ,ວຽກງານປ້ອງກັນຄວາມສະຫງົບໃຫ້ຫັດກຸມ,ເປັນເຈົ້າການປົກປ້ອງແນວທາງຂອງພັກ,ຮັກສາໄດ້ຄວາມສາມັກຄີໃຫ້ເປັນເອກະພາບກັນເປັນຈິດໜຶ່ງໃຈດຽວຢ່າງພ້ອມພຽງ,ກອງປະຊຸມໃນຄັ້ງນີ້ເຊີງໄດ້ດຳເນີນໄປເປັນເວລາ 1 ຕອນ ຈຶງສຳເລັດ.

ສໍາເລັດວຽກລົງຕິດຕາມຊຸກຍູ້ການຈັດຕັ້ງປະຕິບັດວຽກງານຢູ່ 5 ຫ້ອງການ ຊສ ເມືອງຂອງແຂວງບໍ່ແກ້ວ

ຄະນະທີມງານພະແນກຊັບພະຍາກອນທໍາມະຊາດ ແລະ ສິ່ງແວດລ້ອມ ແຂວງພ້ອມດ້ວຍຫົວໜ້າຂະແໜງ,ຮອງຂະແໜງ ແລະ ພະນັກງານວິຊາການຈາກແຂວງລົງຕິດຕາມຊຸກຍູ້ການຈັດຕັ້ງປະຕິບັດວຽກງານຂອງຫ້ອງການຊັບພະຍາກອນທໍາມະຊາດ ແລະ ສິ່ງແວດລ້ອມເມືອງ 5 ເມືອງທົ່ວແຂວງ ແລະ ພ້ອມທັງມອບອຸປະກອນເຄື່ອງຮັບໃຊ້ປະເພດຄອມພີວເຕີໂນ໊ດບຸກຈໍານວນ 1 ເຄື່ອງ,ອຸປະກອນຮັບໃຊ້ກອງປະຊຸມທາງໄກຈໍານວນ 1 ຊຸດໃຫ້ 3 ຫ້ອງການມີ:ຫ້ອງການ ຊສ ເມືອງຫ້ວຍຊາຍ,ຫ້ອງການ ຊສ ເມືອງຕົ້ນເຜິ້ງ ແລະ ຫ້ອງການ ຊສ ເມືອງປາກທາ.

ກອງປະຊຸມ ມອບ-ຮັບ ເຄື່ອງອຸປະກອນຮັບໃຊ້ໃຫ້ໜ່ວຍງານຂື້ນທະບຽນອອກໃບຕາດິນຢ່າງເປັນລະບົບຢູ່ເມືອງຫ້ວຍຊາຍ

  ຕອນເຊົ້າຂອງວັນທີ່ 20 ມິຖຸນາ 2023 ເວລາ 8:30 ນາທີ ພະແນກຊັບພະຍາກອນທຳມະຊາດ ແລະ ສິ່ງແວດລ້ອມ ແຂວງບໍ່ແກ້ວ ໄດ້ເປີດກອງປະຊຸມ ມອບ-ຮັບ ເຄື່ອງອຸປະກອນຮັບໃຊ້ວຽກງານວິຊາສະເພາະປະເພດ( ຄອມພີວເຕີໂນ໊ດບຸກຈໍານວນ 4 ເຄື່ອງ,ຄອມພີວເຕີຕັ້ງໂຕະຈໍານວນ 2 ຊຸດ,ລົດໃຫຍ່ຈໍານວນ 1 ຄັນ ແລະ ລົດຈັກຈຳນວນ 10 ຄັນ )ໃຫ້ໜ່ວຍງານຂື້ນທະບຽນອອກໃບຕາດິນຢ່າງເປັນລະບົບຢູ່ເມືອງຫ້ວຍຊາຍເພື່ອນຳໃຊ້ເຂົ້າໃນວຽກງານວິຊາສະເພາະ.

    ກອງປະຊຸມໄດ້ຈັດຂື້ນຢູ່ທີ່ຫ້ອງການຊັບພະຍາກອນທໍາມະຊາດ ແລະ ສິ່ງແວດລ້ອມເມືອງຫ້ວຍຊາຍໃຫ້ກຽດເປັນປະທານໂດຍ ທ່ານ ຄຳໝັ້ນ ຈັນທະລິດ ຫົວໜ້າພະແນກ ຊສ ແຂວງ,ເຂົ້າຮ່ວມມີຫົວໜ້າພະແນກ,ຮອງຫົວໜ້າພະແນກຜູ້ຊີ້ນຳວຽກງານຂື້ນທະບຽນອອກໃບຕາດິນຢ່າງເປັນລະບົບ,ຫົວໜ້າຂະແໜງທີ່ດິນ,ຫົວໜ້າຫ້ອງການ,ຮອງຫົວໜ້າຫ້ອງການ ຊສ ເມືອງຫ້ວຍຊາຍ ພ້ອມດ້ວຍພະນັກງານ ແລະ ທີມງານທີ່ຮັບຜິດຊອບວຽກງານຂື້ນທະບຽນອອກໃບຕາດິນຢ່າງເປັນລະບົບຂັ້ນແຂວງ ແລະ ຂັ້ນເມືອງຫ້ວຍຊາຍ ເຂົ້າຮ່ວມເປັນສັກຂີພິຍານທັງໝົດ 37 ທ່ານ,ຍິງ 9 ທ່ານ,ຕາງໜ້າມອບໂດຍ ທ່ານ ຄຳໝັ້ນ ຈັນທະລິດ ຫົວໜ້າພະແນກ ຊສ ແຂວງ ແລະ ຕາງໜ້າຮັບໂດຍທ່ານ ຫົງແກ້ວ ວິໄນວົງ ເຈົ້າເມືອງໆຫ້ວຍຊາຍ.

ພິທີສະເຫຼີມສະຫຼອງວັນສິ່ງແວດລ້ອມແຫ່ງຊາດ ແລະ ວັນສິ່ງແວດລ້ອມໂລກ 5 ມີຖຸນາ 2023.

ວັນທີ1 ມີຖຸນາ 2023 ພະແນກຊັບພະຍາກອນທຳມະຊາດ ແລະ ສິ່ງແວດລ້ອມ ແຂວງບໍ່ແກ້ວ ໄດ້ຈັດພິທີສະເຫຼີມສະຫຼອງວັນສິ່ງແວດລ້ອມແຫ່ງຊາດຄົບຮອບ 24 ປີ ແລະ ວັນສິ່ງແວດລ້ອມໂລກ ຄົບຮອບ 50 ປີ ວັນທີ 5 ມີຖຸນາ 2023 ພາຍໃຕ້ຄຳຂວັນທີ່ວ່າ “ ສິ່ງແວດລ້ອມພວກເຮົາຈະດີຖ້າຫຼຸດຜ່ອນການນໍາໃຊ້ປລາສຕິກ”(BEAT PLASTIC POLLUTION) ເຊິງຕິດພັນກັບວັນປູກຕົ້ນໄມ້ແຫ່ງຊາດ ວັນທີ 1 ມີຖຸນາ 2023 ສະຖານທີ່ ບ້ານນໍ້າຍອນໃໝ່,ເມືອງຫ້ວຍຊາຍ,ແຂວງບໍ່ແກ້ວ.