ໃນຕອນເຊົ້າ ເວລາ 8 ໂມງ 30 ນາທີ ຂອງວັນທີ 11 ມີນາ 2021 ທ່ານ ຄໍາໝັ້ນ ຈັນທະລິດ ກຳມະການພັກແຂວງ ,ເລຂາຄະນະພັກຮາກຖານ ພຊສ, ຫົວໜ້າ ພະແນກ ຊັບພະຍາກອນທຳມະຊາດ ແລະ ສິ່ງແວດລ້ອມ ແຂວງ ບໍ່ແກ້ວ ພ້ອມດ້ວຍບັນດາຫົວໜ້າຂະແໜງການທີ່ກ່ຽວຂ້ອງຂອງແຂວງ ໄດ້ລົງຊຸກຍູ້ວຽກງານຂະແໜງຊັບພະຍາກອນທຳມະ ຊາດ ແລະ ສິ່ງແວດລ້ອມ ຢູ່ເມືອງ ປາກທາ  ໂດຍໄດ້ເຂົ້າພົບ ທ່ານ ສຸໄລ ດວງຜາຄໍາ ກຳມະການພັກແຂວງ, ເລຂາພັກເມືອງ, ເຈົ້າເມືອງໆ ປາກທາ ເພື່ອແຈ້ງຈຸດປະສົງ ໃນການລົງເຄື່ອນໄຫວວຽກງານ ຂອງຂະແໜງ ຊັບພະຍາກອນທໍາມະຊາດ ແລະສິ່ງແວດລ້ອມ.

    ຈາກນັ້ນ ທ່ານ ຄຳໝັ້ນ ຈັນທະລິດ ຫົວໜ້າ ພະແນກ ຊັບພະຍາກອນທຳມະຊາດ ແລະ ສິ່ງແວດລ້ອມ ແຂວງບໍ່ແກ້ວ ພ້ອມທິມງານໄດ້ລົງພົບປະໂອ້ລົມ ແລະ ເຮັດວຽກນຳຫ້ອງການຊັບພະຍາກອນທຳມະຊາດ ແລະ ສິ່ງແວດລ້ອມເມືອງປາກທາ ໂດຍມີ ຫົວໜ້າຫ້ອງການ, ຮອງຫົວໜ້າຫ້ອງການ ພະນັກງານ-ລັດຖະກອນ ຫ້ອງການ ຊັບພະຍາກອນທຳມະຊາດ ແລະ ສິ່ງແວດລ້ອມ ເມືອງ ປາກທາ ເຂົ້າຮ່ວມ.

       ທ່ານ ໄພວັນ ວັນນາທອງ ຫົວໜ້າຫ້ອງການ ຊສ ເມືອງ ປາກທາ ໄດ້ລາຍງານການການເຄື່ອນໄຫວ ແລະ ການຈັດຕັ້ງປະຕິບັດໜ້າທີ່ວຽກງານໃນໄລຍະຜ່ານມາໃຫ້ຫົວໜ້າ ພຊສ ແຂວງຮັບຮູ້. ຫລັງຈາກນັ້ນບັນດາຂະແໜງການທີ່ກ່ຽວ ຂ້ອງຂອງແຂວງກໍ່ໄດ້ແນະນຳບັນດາໜ້າວຽກຂອງຕົນໃຫ້ເມືອງສືບຕໍ່ເອົາໃຈໃສ ແລະພ້ອມກັນຈັດຕັ້ງປະຕິບັດໃຫ້ສຳ ເລັດຕາມແຜນການ.

    ໃນກອງປະຊູມ ທ່ານ ຄໍາໝັ້ນ ຈັນທະລິດ ກໍ່ໄດ້ເນັ້ນໜັກໃຫ້ ຫົວໜ້າ, ຮອງຫົວໜ້າ ຫ້ອງການ, ພະນັກງານ-ລັດຖະກອນ ຫ້ອງການ ຊັບພະຍາກອນທຳມະຊາດ ແລະ ສິ່ງແວດລ້ອມ ເມືອງ ປາກທາ ຈົ່ງພ້ອມກັນເອົາໃຈໃສ່ ປະຕິບັດໜ້າທີ່ ຕາມສິດ ແລະ ພາລະບົດບາດຂອງຕົນຢ່າງເຕັມສ່ວນ ສຸມໃສ່ການຈັດຕັ້ງປະຕິບັດວຽກງານໃຫ້ສຳເລັດຕາມແຜນການທີ່ວາງໄວ້ ເປັນຕົ້ນແມ່ນວຽກງານການຂຶ້ນທະບຽນອອກໃບຕາດິນ, ເນັ້ນໜັກໃຫ້ເອົາໃຈໃສ່ການຄູ້ມຄອງດ້ານສິ່ງແວດລ້ອມຢ່າງເຂັ້ມງວດໂດຍການລົງໂຄສະນາເຜີຍແຜ່ລະບຽບກົດໝາຍ ແລະ ນິຕິກຳທີ່ກ່ຽວຂ້ອງໃຫ້ແກ່ປະຊາຊົນທູກຊັ້ນຄົນຮັບຮູ້ ແລະ ເຂົ້າໃຈ ຕອນທ້າຍ ທ່ານກໍ່ໄດ້ຍ້ອງຍໍຊົມເຊີຍ ຜົນງານທີ່ຍາດມາໄດ້ ໃນໄລຍະຜ່ານມາ.

     ໃນວັນທີ 15 ທັນວາ 2020 ເວລາ 8:00 ຢູ່ທີ່ຫ້ອງປະຊຸມ ພະແນກ ຊັບພະຍາກອນທໍາມະຊາດ ແລະສິ່ງແວດລ້ອມ ແຂວງ ບໍ່ແກ້ວ ໄດ້ເປີດກອງປະຊຸມ ດໍາເນີນຊິວິດການເມືອງ ປະຈໍາປີ 2020 ຂອງໜ່ວຍພັກ ບໍລິຫານ ແລະ ຈັດຕັ້ງ ພາຍໃຕ້ການເປັນປະທານຮ່ວມ ຂອງສະຫາຍ ຄໍາໝັ້ນ ຈັນທະລິດ ກໍາມະການພັກແຂວງ, ເລຂາ ຄະນະພັກຮາກຖານ, ຫົວໜ້າ ພະແນກ ຊັບພະຍາກອນທໍາມະຊາດ ແລະສິ່ງແວດລ້ອມ; ສະຫາຍ ວົງລັກ ພອນຈະເລີນ ເລຂາ ໜ່ວຍພັກ ບໍລິຫານ ແລະ ຈັດຕັ້ງ,  ຫົວໜ້າ ຂະແໜງ ແຜນການ-ສະຖິຕິ ແລະ ຂໍ້ມູນ-ຂ່າວສານ.  

     ໃນພິທີ ຄະນະຈັດຕັ້ງພິທີໄດ້ຂື້ນກ່າວຈຸດປະສົງໃນການເປີດກອງປະຊຸມດໍາເນີນຊີວິດການເມືອງ ຂອງໜ່ວຍພັກ ແລະ ຜ່ານມະຕິຕົກລົງຂອງຄະນະພັກຮາກຖານວ່າດ້ວຍການອະນຸມັດໃຫ້ໜ່ວຍພັກ ບໍລິຫານ ແລະ ຈັດຕັ້ງ ເປີດກອງປະຊຸມດຳເນີນຊີວິດການເມືອງ.

      ໃນພິທີ ສະຫາຍ ວົງລັກ ພອນຈະເລີນ ໄດ້ຂື້ນກ່າວໄຂກອງປະຊຸມ ເຊິ່ງມີເນື້ອໃນບາງຕອນຄື: ໃນທາມກອງທົ່ວພັກ, ທົ່ວກອງທັບ ແລະ ທົ່ວປວງຊົນລາວ ທັງຊາດ ພວມອອກແຮງແຂ່ງຂັນຈັດຕັ້ງປະຕິບັດ ມະຕິກອງປະຊຸມໃຫ່ຍຄັ້ງທີ X ຂອງພັກ, ມະຕິກອງປະຊຸມໃຫ່ຍຄັ້ງທີ V ຂອງຄະນະບໍລິຫານງານພັກແຂວງບໍ່ແກ້ວ ເວົ້າລວມ, ໂດຍສະເພາະ ມະຕິກອງປະຊຸມໃຫຍ່ຄັ້ງທີ I ຂອງຄະນະພັກຮາກຖານ ພຊສ, ຂ້າພະເຈົ້າ ຮູ້ສຶກເປັນກຽດຢ່າງ ສູງ ທີໄດ້ຕາງຫນ້າໃຫ້ຄະນະຫນ່ວຍພັກ-ສະມາຊິກພັກ ບໍລິຫານ ແລະ ຈັດຕັ້ງ ຂຶ້ນມີຄວາມເຫັນກ່າວຕ້ອນຮັບ ບັນດາ ສະຫາຍ ເຂົ້າສູ່ກອງປະຊຸມດໍາເນີນຊີວິດການເມືອງຕີລາຄາຄຸນນະພາບ ແລະ ແບ່ງປະເພດສະມາຊິກພັກ ປະຈໍາປີ 2020 ແລະ ຮັບຮອງແຜນກໍ່ສ້າງຫນ່ວຍພັກປອດໃສ, ເຂັ້ມແຂງ, ຫນັກແຫນ້ນ ປະຈໍາປີ 2021 ຂອງຫນ່ວຍພັກບໍລິຫານ ແລະ ຈັດຕັ້ງຂອງພວກເຮົາ.

    ກອງປະຊຸມດໍາເນີນຊີວິດການເມືອງ ປະຈໍາປີຄັ້ງນີ້ສຸດທີ່ມີຄວາມໝາຍຢ່າງຍິ່ງຊື່ງພວກເຮົາຈະໄດ້ພ້ອມກັນຕີລາຄາຄືນການຊີ້ນໍາ-ນໍາພາຂອງຄະນະໜ່ວຍພັກໃນໄລຍະຜ່ານມາພ້ອມນີ້ພວກເຮົາກໍຈະໄດ້ຄົ້ນຄວ້າແລະຮັບຮອງເອົາບັນດາເນື້ອໃນ ບົດສະຫຼຸບຕີລາຄາການຊີ້ນໍາ-ນໍາພາ ປະຈໍາປີ 2020 ແລະທິດທາງແຜນການກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ ປະຈໍາປີ 2021 ແລະ ບົດສໍາຫຼວດການນໍາພາລວມ ຂອງຄະນະໜ່ວຍພັກ ບໍລິຫານ ແລະ ຈັດຕັ້ງ ມີດັ່ງນີ້:

ໜື່ງ: ຈະໄດ້ສັງເກດຕີລາຄາຄືນຢ່າງຮອບດ້ານກ່ຽວກັບຜົນຂອງການຈັດຕັ້ງປະຕິບັດວຽກງານຕະຫຼອດໄລຍະໜຶ່ງປີຜ່ານມາຊື່ງມີດ້ານດີ-ຜົນສໍາເລັດ,ດ້ານອ່ອນ-ຂໍ້ຄົງຄ້າງທີ່ຈະພ້ອມກັນແກ້ໄຂໃນຕໍ່ໜ້າ.

ສອງ: ກອງປະຊຸມຈະໄດ້ຜ່ານບົດສະຫຼຸບຕີລາຄາການຊີ້ນຳ-ນຳພາ ປະຈໍາປີ 2020 ແລະ ທິດທາງແຜນການກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ ປະຈໍາປີ 2021; ພ້ອມກັນນັ້ນກໍຈະໄດ້ຜ່ານບົດສໍາຫຼວດການນໍາພາລວມ ຂອງຄະນະໜ່ວຍພັກ ໃຫ້ປະກົດຜົນເປັນຈິງ.

ສາມ: ກອງປະຊຸມຈະໄດ້ຕີລາຄາຈັດແບ່ງປະເພດໜ່ວຍພັກ ແລະ ສະມາຊິກພັກ ແຕ່ລະສະຫາຍພາຍໃນໜ່ວຍ ປະຈໍາປີ 2020 ໃຫ້ໄດ້ຮັບຜົນດີຕາມລະດັບຄາດໝາຍ.

ສີ່: ກອງປະຊຸມກໍຈະໄດ້ວາງທິດທາງແຜນການສູ້ຊົນໃນຕໍ່ໜ້າເພື່ອແນໃສ່ການຈັດຕັ້ງປະຕິບັດແນວທາງການປ່ຽນແປງໃໝ່ຂອງພັກກໍຄືໜ້າທີ່ການເມືອງຂອງຕົນໃຫ້ມີຜົນສໍາເລັດອັນໃຫຍ່ຫຼວງກວ່າເກົ່າ ເພື່ອປະກອບສ່ວນເຂົ້າໃນພາລະກິດປົກປັກຮັກສາ ແລະ ສ້າງສາປະເທດຊາດກໍ່ຄືແຂວງບໍ່ແກ້ວໃຫ້ເຕີບໃຫຍ່ຂະຫຍາຍຕົວຢ່າງຕໍ່ເນື່ອງ ແລະ ຖືກທິດພາຍໃຕ້ການຊີ້ນໍາ-ນໍາພາຂອງອົງຄະນະພັກແຂວງ.

      ໃນຕອນທ້າຍ ສະຫາຍ ຄໍາໝັ້ນ ຈັນທະລິດ ກໍາມະການພັກແຂວງ ເລຂາ ຄະນະພັກຮາກຖານ ຫົວໜ້າ ພະແນກ ຊັບພະຍາກອນທໍາມະຊາດ ແລະສິ່ງແວດລ້ອມ ແຂວງ ບໍ່ແກ້ວ ໄດ້ມີຄໍາເຫັນໂອ້ລົມຕໍ່ກອງປະຊຸມ ດັ່ງນີ້:

   ພວກເຮົາຕ້ອງເຂົ້າໃຈວ່າ: ພັກປະຊາຊົນປະຕິວັດລາວ ແມ່ນພັກກໍາອໍານາດ ນໍາພາທົ່ວສັງຄົມໃນການປົກປັກຮັກສາແລະພັດທະນາປະເທດຊາດຕາມຈຸດໝາຍສັງຄົມນິຍົມ. ເພື່ອຍົກສູງຄວາມສາມາດນໍາພາຂອງພັກ ໃນຊຸມປີຜ່ານມາ ພັກເຮົາໄດ້ວາງຍຸດທະສາດໃນການກໍ່ສ້າງ ແລະ ປັບປຸງຕົນເອງໃນຫຼາຍດ້ານ; ໃນນັ້ນຖືເອົາການກໍ່ສ້າງໜ່ວຍພັກປວດໃສ, ເຂັ້ມແຂງ, ໜັກແໜ້ນ ເປັນໃຈກາງ.

    ຜ່ານການຈັດຕັ້ງປະຕິບັດຜ່ານມາ ພັກເຮົາກໍສະຫຼຸບຜົນງານໄດ້ຢ່າງຫຼວງຫຼາຍໜ່ວຍພັກ ແລະ ສະມາຊິກພັກໄດ້ມີການເຕີບໃຫຍ່ຂະຫຍາຍຕົວທາງດ້ານຈໍານວນ ແລະ ຄຸນນະພາບ ໄປຄຽງຄູ່ກັນນັ້ນ ພັກເຮົາຍັງຊອກໄດ້ເຫັນຢ່າງຈະແຈ້ງວ່າໜ່ວຍພັກ ຈໍານວນບໍ່ໜ້ອຍຍັງອ່ອນ ແລະ ບໍ່ຮູ້ນໍາພາ, ຄວາມເຂົ້າໃຈຕໍ່ການກໍ່ສ້າງໜ່ວຍພັກ ຍັງບໍ່ທັນເປັນເອກະພາບ.

   ແຕ່ເຖິງແນວໃດກໍຕາມ ເພື່ອເສີມຂະຫຍາຍມູນເຊື້ອອັນດີງາມແລະກໍາຈັດປັດເປົ່າບັນດາດ້ານອ່ອນ-ຂໍ້ຄົງຄ້າງ ແລະ ເຮັດໃຫ້ການຈັດຕັ້ງປະຕິບັດຄໍາສັ່ງເລກທີ 01 ຂອງກົມການເມືອງສູນກາງພັກ ວ່າດ້ວຍການສ້າງໜ່ວຍພັກໃຫ້ປອດໃສ, ເຂັ້ມແຂງ ແລະ ໜັກແໜ້ນ ທັງເປັນການຮັບປະກັນໃຫ້ແກ່ການຈັດຕັ້ງປະຕິບັດແຜນການກໍ່ສ້າງໜ່ວຍພັກປອດໃສ, ເຂັ້ມແຂງ ແລະ ໜັກແໜ້ນ ຂອງໜ່ວຍພັກ ບໍລິຫານ ແລະ ຈັດຕັ້ງໃຫ້ບັນລຸຕາມຄາດໝາຍທີ່ວາງໄວ້ນັ້ນ ຂ້າພະເຈົ້າຂໍມີຄໍາເຫັນເນັ້ນໜັກຕື່ມບາງບັນຫາດັ່ງນີ້:

  1. ຮຽກຮ້ອງໃຫ້ບັນດາສະຫາຍໃນຄະນະພັກ ຕ້ອງຍົກສູງວຽກງານການສຶກສາອົບຮົມການເມືອງ-ແນວຄິດ ເປັນວຽກງານກົກ ແລະ ສອດຫ້ອຍໄປກັບວຽກງານວິຊາສະເພາະຂອງຕົນ ເພື່ອເຮັດໃຫ້ພະນັກງານ-ສະມາຊິກພັກທີ່ຢູ່ໃນຄວາມຮັບຜິດຊອບມີຄວາມໜັກແໜ້ນທາງດ້ານການເມືອງ, ມີຄຸນສົມບັດສິນທໍາປະຕິວັດ, ມີຄວາມບຸກບື່ນຫ້າວຫັນປະຕິບັດໜ້າທີ່ວິຊາສະເພາະ, ຊື່ສັດບໍລິສຸດ, ມີຄວາມເສຍສະລະ ແລະ ເປັນແບບຢ່າງນໍາໜ້າໃຫ້ແກ່ມະຫາຊົນໃນທຸກດ້ານ.
  2. ປັບປຸງແບບແຜນວິທີເຮັດວຽກໃຫ້ດີກວ່າເກົ່າ,ປະຕິບັດຕາມຫຼັກການລວມສູນປະຊາທິປະໄຕ ຕົກລົງເປັນໝູ່ຄະນະ, ບຸກຄົນຮັບຜິດຊອບ, ປະຕິບັດຕາມມະຕິຢ່າງເຂັ້ມງວດ, ເພື່ອພ້ອມກັນຮັບມືກັບທີ່ວຽກງານອັນສໍາຄັນຂວາງໜ້າບັນດາສະຫາຍ ເປັນຕົ້ນແມ່ນ: ການຈັດຕັ້ງຜັນຂະຫຍາຍມະຕິກອງປະຊຸມໃຫຍ່ຄັ້ງທີ VI ແລະ ແຜນພັດທະນາເສດຖະກິດ-ສັງຄົມຂອງແຂວງບໍ່ແກ້ວໃຫ້ບັນລຸຕາມຄາດໝາຍທີ່ວາງໄວ້ ແລະ ການປະຕິບັດໜ້າທີ່ວຽກງານວິຊາສະເພາະຂອງຕົນ.
  3. ສືບຕໍ່ຮັກສາມູນເຊື້ອຄວາມສາມັກຄີພາຍໃນພັກໃຫ້ໜັກແໜ້ນ,ເຂັ້ມແຂງ ແລະ ອີກບັນຫາໜຶ່ງທີ່ສໍາຄັນ ໂດຍອີງໃສ່ການສະຫຼຸບສະພາບເຄື່ອນໄຫວຊີ້ນໍາ - ນໍາພາ ຂອງໜ່ວຍພັກ ທີ່ໄດ້ຍົກໃຫ້ເຫັນດ້ານດີ, ດ້ານອ່ອນ-ຂໍ້ຄົງຄ້າງ ແລະ ບົດຮຽນທີ່ຖອດຖອນໄດ້ໃນໄລຍະຜ່ານມານັ້ນເຊິ່ງບັນດາສະຫາຍໄດ້ເອົາເປັນຂໍ້ມູນ ແລະ ເປັນບ່ອນອີງເພື່ອວາງແຜນການຄາດໝາຍສູ້ຊົນຂອງໜ່ວຍພັກໃນການສ້າງໜ່ວຍພັກໃຫ້ປອດໃສ, ເຂັ້ມແຂງ ແລະ ໜັກແໜ້ນ.

      ເຊິ່ງການກໍ່ສ້າງໜ່ວຍພັກໃຫ້ປອດໃສ, ເຂັ້ມແຂງ ແລະ ໜັກແໜ້ນນີ້ ເນື້ອໃນ, ຮູບການ ແລະ ວິທີການ ໂດຍພື້ນຖານກໍ່ຍັງແມ່ນຄ້າຍຄືກັນກັບການກໍ່ສ້າງໜ່ວຍພັກເຂັ້ມແຂງ-ຮູ້ນໍາພາຮອບດ້ານ; ສ່ວນລາຍລະອຽດນັ້ນ ສະເໜີໃຫ້ຄະນະໜ່ວຍພັກເອົາໃຈໃສ່ຄົ້ນຄວ້າ: ເຊື່ອມຊຶມຄໍາສັ່ງເລກທີ 01 ຂອງກົມການເມືອງສູນກາງພັກ ວ່າດ້ວຍການສ້າງພັກໃຫ້ປອດໃສ, ເຂັ້ມແຂງ, ໜັກແໜ້ນ ແລະ ບົດແນະນໍາເລກທີ 291 ຂອງຄະນະຈັດຕັ້ງສູນກາງພັກກ່ຽວກັບການຈັດຕັ້ງປະຕິບັດຄໍາສັ່ງດັ່ງກ່າວ ໃຫ້ເຂົ້າໃຈຢ່າງເລິກເຊິ່ງ ແລະ ຈັດຕັ້ງປະຕິບັດໃຫ້ຖືກຕ້ອງ ທັງຮັບປະກັນດ້ານຄຸນນະພາບ.

      ໃນວັນທີ 18 ທັນວາ 2020 ເວລາ 8:00 ຢູ່ທີ່ຫ້ອງປະຊຸມ ພະແນກ ຊັບພະຍາກອນທໍາມະຊາດ ແລະ ສິ່ງແວດລ້ອມ ແຂວງ ບໍ່ແກ້ວ ໄດ້ເປີດກອງປະຊຸມ ດໍາເນີນຊິວິດການເມືອງ ປະຈໍາປີ 2020 ຂອງຄະນະພັກ ຮາກຖານ ພະແນກ ຊັບພະຍາກອນທໍາມະຊາດ ແລະ ສິ່ງແວດລ້ອມ ແຂວງ ບໍ່ແກ້ວ ພາຍໃຕ້ການເປັນປະທານ ຂອງສະຫາຍ ຄໍາໝັ້ນ ຈັນທະລິດ ກໍາມະການພັກແຂວງ, ເລຂາ ຄະນະພັກຮາກຖານ, ຫົວໜ້າ ພະແນກ ຊັບພະຍາກອນທໍາມະຊາດ ແລະ ສິ່ງແວດລ້ອມ.

  ຄະນະຈັດຕັ້ງພິທີໄດ້ຂື້ນກ່າວຈຸດປະສົງ ໃນການເປີດກອງປະຊຸມດໍາເນີນຊີວິດການເມືອງ ຂອງຄະນະພັກ ຮາກຖານ ພະແນກ ຊັບພະຍາກອນທໍາມະຊາດ ແລະ ສິ່ງແວດລ້ອມ ແຂວງ ບໍ່ແກ້ວ

   ຈາກນັ້ນ ສະຫາຍ ຄໍາໝັ້ນ ຈັນທະລິດ ກໍາມະການພັກແຂວງ, ເລຂາຄະນະພັກຮາກຖານ, ຫົວໜ້າ ພະແນກ ຊັບພະຍາກອນທໍາມະຊາດ ແລະ ສິ່ງແວດລ້ອມ ໄດ້ຂື້້ນກ່າວເປີດກອງປະຊຸມດໍາເນີນຊີວິດການເມືອງ ປະຈໍາປີ 2020 ຂອງຄະນະພັກ ຮາກຖານ ພະແນກ ຊັບພະຍາກອນທໍາມະຊາດ ແລະ ສິ່ງແວດລ້ອມ ແຂວງ ບໍ່ແກ້ວ

     ສະຫາຍ ຄໍາໝັ້ນ ຈັນທະລິດ ໄດ້ກ່າວວ່າ: ພວກເຮົາຖືວ່າກອງປະຊຸມໃນມື້ນີ້ ເປັນການສໍາຫຼວດຕີລາຄາຄືນ ຕໍ່ຜົນງານໃນການຈັດຕັ້ງປະຕິບັດວຽກງານ ໃນຫນຶ່ງປີຜ່ານມາ, ໂດຍສະເພາະແມ່ນການປະຕິບັດຫນ້າທີ່ການເມືອງ ແລະ ວິຊາສະເພາະຂອງແຕ່ລະສະຫາຍ ສະມາຊິກພັກ ທີ່ໄດ້ຮັບມອບຫມາຍ, ການຈັດຕັ້ງຜັນຂະຫຍາຍແນວທາງນະໂຍບາຍ, ມະຕິກອງປະຊຸມໃຫຍ່ສູນກາງພັກ ກໍ່ຄືກອງປະຊຸມໃຫຍ່ອົງຄະນະພັກແຂວງວາງອອກ ເປັນຕົ້ນ: ທາງດ້ານຄຸນທາດການເມືອງ ແລະ ຄຸນສົມບັດສິນ ທໍາປະຕິວັດ; ທາງດ້ານແນວຄິດ; ທາງດ້ານສະຕິຕໍ່ການຈັດຕັ້ງ ແລະ ລະບຽບວິໄນຂອງພັກ; ທາງດ້ານແບບແຜນການ ນໍາພາ ແລະ ວິທີເຮັດວຽກ; ທາງດ້ານຄວາມຮັບຜິດຊອບຫນ້າທີ່ການເມືອງ, ດ້ານອ່ອນ - ຂໍ້ຄົງຄ້າງ ແລະ ວິທີແກ້ໄຂ ຂອງບັນດາສະຫາຍຄະນະພັກຮາກຖານ; ເຊິ່ງມັນຈະເປັນຄາດຫມາຍບັນດາຫນ້າທີ່ຕ່າງໆ ທີ່ຄະນະພັກ, ບັນດາສະຫາຍ ສະມາຊິກພັກ ພວກເຮົາຈະຕ້ອງໄດ້ອອກແຮງຊີ້ນໍາ - ນໍາພາຈັດຕັ້ງປະຕິບັດໃນຕໍ່ຫນ້າ.

    ຂ້າພະເຈົ້າເຊື່ອຫມັ້ນວ່າ ກອງປະຊຸມຂອງພວກເຮົາໃນຄັ້ງນີ້ ຈະປະສົບຜົນສໍາເລັດ ແລະ ມີບັນຍາກາດອັນດີ ໃນການຜ່ານບົດສຳຫຼວດການນຳພາ ແລະ ການປະກອບຄວາມຄິດຄວາມເຫັນ ເພື່ອກໍ່ສ້າງຊ່ວຍເຫຼືອເຊິ່ງກັນ ແລະ ກັນ ດ້ວຍຄວາມຈິງໃຈ ພ້ອມກັນກ້າວຫນ້າ ເຮັດສໍາເລັດຫນ້າທີ່ ທີ່ໄດ້ຮັບມອບຫມາຍ.

     ຈາກນັ້ນ ສະຫາຍ ຄໍາໝັ້ນ ຈັນທະລິດ ກໍາມະການພັກແຂວງ, ເລຂາຄະນະພັກຮາກຖານ, ຫົວໜ້າ ພະແນກ ຊັບພະຍາກອນທໍາມະຊາດ ແລະ ສິ່ງແວດລ້ອມ ໄດ້ຂື້້ນຜ່ານບົດສໍາຫຼວດການນໍາພາລວມ ຂອງຄະນະພັກ ຮາກຖານ ພະແນກ ຊັບພະຍາກອນທໍາມະຊາດ ແລະ ສິ່ງແວດລ້ອມ ເຊິ່ງມີເນື້ອໃນດັ່ງລຸ່ມນີ້:

I. ສະພາບລວມຂອງຄະນະພັກຮາກຖານ.

    ຄະນະພັກຮາກຖານ ພະແນກຊັບພະຍາກອນທໍາມະຊາດ ແລະ ສິ່ງແວດລ້ອມ ແຂວງ​​ເປັນຄະນະພັກຮາກຖານໜຶ່ງທີ່ຂຶ້ນກັບອົງຄະນະພັກແຂວງ ບໍ່ແກ້ວ; ໄດ້ຮັບສ້າງຕັ້ງຂຶ້ນໃນວັນທີ 11 ກຸມພາ 2020 ຕາມມະຕິຕົກລົງຂອງຄະນະປະຈໍາພັກແຂວງບໍ່ແກ້ວ ສະບັບເລກທີ 177/ຄປພຂ.ບກ; ມີພາລະບົດບາດເປັນເສນາທິການໃຫ້ແກ່ຄະນະປະຈໍາພັກແຂວງ, ໄດ້ເຄື່ອນໄຫວຊີ້ນໍາ-ນໍາພາ ການຈັດຕັ້ງປະຕິບັດຜັນຂະຫຍາຍແນວທາງ, ແຜນນະໂຍບາຍ, ມະຕິ, ຄໍາສັ່ງ, ຄໍາແນະນໍາ ແລະ ລະບຽບກົດໝາຍຕ່າງໆພ້ອມທັງປະຕິບັດຕາມແບບແຜນວິທີການເຮັດວຽກຂອງຄະນະພັກຮາກຖານ, ສະມາຊິກພັກ-ພະນັກງານ ໃຫ້ນັບມື້ນັບເຕີບໃຫຍ່ເຂັ້ມແຂງຂະຫຍາຍຕົວຂຶ້ນເທື່ອລະກ້າວ.

  • ດ້ານໂຄງປະກອບການຈັດຕັ້ງ: ມີຄະນະພັກຮາກຖານ05ສະຫາຍ, ປະກອບມີ 03 ໜ່ວຍພັກຂຶ້ນກັບ; ມີສະມາຊິພັກທັງໝົດ38 ສະຫາຍ, ຍິງ 08ສະຫາຍ, ໃນນັ້ນສະມາຊິພັກສົມບູນ 37 ສະຫາຍ, ຍິງ 7 ສະຫາຍ ແລະ ສະມາຊິພັກສໍາຮອງ01ສະຫາຍ (ຍິງ).
  • ດ້ານທິດສະດີການເມືອງ: ຈົບບໍາລຸງມີ 07ສະຫາຍ, ຍິງ 01 ສະຫາຍ; ຊັ້ນຕົ້ນ 04 ສະຫາຍ, ຍິງ 01 ສະຫາຍ; ຊັ້ນກາງ 02 ສະຫາຍ, ຊັ້ນສູງ 02 ສະຫາຍ, ປະລິນຍາຕີ 02 ສະຫາຍ.
  • ດ້ານຊົນເຜົ່າ: ເຜົ່າລາວ 26 ສະຫາຍ,ຍິງ 06ສະຫາຍ; ເຜົ່າລື້ 10 ສະຫາຍ, ຍິງ 02 ສະຫາຍ; ເຜົ່າພວນ01 ສະຫາຍ, ເຜົ່າລະເມດ 01 ສະຫາຍ.

II.ຕີລາຄາການຊີ້ນຳ-ນຳພາຂອງຄະນະ​ພັກຮາກຖານ

ກ.ດ້ານດີ ແລະຜົນງານ

1.ດ້ານຄຸນທາດການເມືອງ-ຄຸນສົມບັດ, ສິນທໍາປະຕິວັດ

ຕະຫຼອດ​ໄລຍະ​ຜ່ານ​ມາຄະນະ​ພັກຮາກຖານພຊສຮັກສາ​ໄດ້​ຄຸນ​ທາດ​ການ​ເມືອງ​ໜັກ​ແໜ້ນ ​ເປັນ​ຄັນ​ທຸງ​ນໍາ​ໜ້າ​ແກ່​ສະມາຊິກ​ພັກ, ພະນັກງານ-ລັດຖະກອນ. ​ເຕົ້າ​ໂຮມ​ໄດ້​ຄວາມ​ສາມັກຄີ​ພາຍ​ໃນ ແລະ ພາຍນອກ, ສ້າງໄດ້ຄວາມ​ເປັນ​ເອກະ​ພາບ​ກັນ​ໃນ​ການຈັດ​ຕັ້ງ​ປະຕິບັດ​ແນວທາງ, ແຜນນະໂຍບາຍ​ຂອງ​ພັກ, ລະບຽບ​ກົດໝາຍ​ຂອງ​ລັດ ​ແລະສ້າງ​ໄດ້ຜົນ​ງານ​ຫຼາຍ​ດ້ານ. ພ້ອມ​ກັນ​ນີ້, ກໍສາມາດ​ຈໍາ​ແນ​ກ​ໄດ້ກົນອຸບາຍ​ມ້າງ​ເພ​ຂອງ​ພວກ​ສັດຕູ ​ແລະກຸມ​ຄົນ​ບໍ່​ດີ​ທຸກ​ຮູບ​ແບບ.ມີ​ຄວາມ​ຮັບຜິດຊອບ​ສູງ​ຕໍ່​ຜົນ​ປະ​ໂຫຍ​ດລວມຂອງປະເທດຊາດ ແລະ ​ປະຊາຊົນ​ບັນດາ​ເຜົ່າ. ສະ​ນັ້ນ​, ຈຶ່ງ​ເຮັດ​ໃຫ້​ສະມາຊິກ​ພັກ-ພະນັກງານ ​ແລະປະຊາຊົນ​ບັນດາ​ເຜົ່າ​ໄວ້​ວາງ​ໃຈ ແລະ ມີ​ຄວາມ​ເຊື້ອ​ໝັ້ນ​ຕໍ່​ແນວທາງ​ຂອງ​ພັກ,ເວົ້າ​ລວມ​ເວົ້າ​ສະ​ເພາະຕໍ່​ການ​ນໍາພາ​ຂອງ​ຄະນະພັກຮາກຖານ ພຊສ.

2. ດ້ານ​ຄວາມ​ຮັບຜິດຊອບຕໍ່ໜ້າ​ທີ່​ການ​ເມືອງ:

ຄະນະ​ພັກຮາກຖານ ພຊສໄດ້ເຊີດຊູຄວາມຮັບຜິດຊອບຕໍ່ໜ້າທີ່ການເມືອງຂອງຕົນໃນການຊີ້ນຳ-ນໍາພາຈັດຕັ້ງປະຕິບັດມະຕິ, ຄຳສັ່ງ, ຄໍາແນະນໍາ, ກົດລະບຽບຂອງພັກ, ກົດໝາຍຂອງລັດແລະວຽກງານ​ວິຊາ​ສະ​ເພາະ​​ໃນ​ຂອບ​ເຂດ​ຄວາມ​ຮັບຜິດຊອບ, ໄດ້ເອົາໃຈໃສ່ສຶກສາອົບຮົມການເມືອງ-ແນວຄິດ ໃຫ້ສະມາຊິກພັກ-ພະນັກງານ ເປັນປະຈຳຕໍ່ເນື່ອງ ໂດຍນຳເອົາແນວທາງ, ແຜນນະໂຍບາຍ, ມະຕິ, ຄຳສັ່ງ ຂອງພັກມາຈັດຕັ້ງປະຕິບັດເຊື່ອມຊຶມ, ຖືເອົາວຽກງານນຳພາການເມືອງ-ແນວຄິດສອດຫ້ອຍໄປທຸກຂົງເຂດວຽກງານ, ຜ່ານການຈັດຕັ້ງປະຕິບັດໄດ້ຄືແນວນັ້ນ, ຈຶ່ງເຮັດໃຫ້ສະມາຊິກພັກ-ພະນັກງານສ່ວນຫຼາຍມີທັດສະນະຫຼັກໝັ້ນການເມືອງໜັກແໜ້ນດີ, ມີຄວາມຮັບຜິດຊອບສູງຕໍ່ໜ້າທີ່ວຽກງານ, ມີລະບຽບວິໃນດີ, ປົກປ້ອງແນວທາງ, ຮັກສາໄດ້ຄວາມສາມັກຄີເປັນເອກະພາບທີ່ເປັນມູນເຊື້ອອັນດີງາມຂອງພັກ, ເຊື່ອໝັ້ນຕໍ່ການຊີ້ນໍາ-ນໍາພາຂອງພັກ, ເດັດດ່ຽວຕອບຕ້ານທຸກກົນອຸບາຍຫັນປ່ຽນໂດຍສັນຕິຂອງສັດຕູ ແລະ ກຸ່ມຄົນບໍ່ຫວັງດີທຸກຮູບແບບ.

3. ດ້ານການນໍາພາ​ວຽກງານ​ປ້ອງ​ກັນ​ຄວາມ​ສະຫງົບ.

ດ້ວຍຄວາມຮັບຜິດຊອບສູງຄະນະພັກຮາກຖານ ພຊສ ໄດ້ເອົາໃຈໃສ່ຕິດຕາມສະພາບພາຍໃນ-ພາຍນອກ, ໂດຍມີການແຕ່ງຕັ້ງຈັດແບ່ງກັນເປັນຈຸເປັນໜ່ວຍປ້ອງກັນເວນຍາມໃນວັນສໍາຄັນຕ່າງໆຂອງພັກ-ຂອງຊາດ ພາຍໃນສໍານັກງານອົງການຂອງຕົນຕະຫຼອດ 24 ຊົ່ວໂມງ, ຜ່ານມາພາຍໃນພະແນກຊັບພະຍາກອນທຳມະຊາດ ແລະ ສິ່ງແວດລ້ອມແຂວງໄດ້ມີຄວາມສະຫງົບປອດໄພ, ບໍ່ມີປະກົດການຂີ້ລັກງັດແງະເກີດຂຶ້ນ.ນອກຈາກການຕິດຕາມປ້ອງກັນພາຍໃນສຳນັກງານ-ອົງການຂອງຕົນແລ້ວ,ສະມາຊິກພັກ-ພະນັກງານພາຍໃນຫ້ອງການຍັງເຮັດໜ້າທີ່ເປັນເສນາທິການໃຫ້ແກ່ຂັ້ນເທິງກໍ່ຄືຄະນະນຳຂອງຕົນໄດ້ເປັນຢ່າງດີ.

4. ການ​ນຳພາ​ດ້ານ​ວຽກງານ​ວິຊາ​ສະ​ເພາະ.

ຄະນະພັກຮາກຖານ ພຊສ ໄດ້ເອົາໃຈໃສ່ຊີ້ນຳ-ນຳພາຂະແໜງການວຽກງານໃນ​ຂອບ​ເຂດ​ຄວາມ​ຮັບ​ຜິດ​ຊອບ​ຂອງຕົນຈັດ​ຕັ້ງ​ປະ​ຕິ​ບັດ​ຕາມພາລະບົດບາດ, ຂອບເຂດສິດ ແລະ ໜ້າທີຂອງພະແນກ;ຄົ້ນຄວ້າກົດລະບຽບຂອງພັກ ແລະ ກົດໝາຍຂອງລັດທີ່ຕິດພັນກັບໜ້າທີ່ຄວາມຮັບຜິດຊອບຂອງແຕ່ລະຂະ​ແໜງການ ​ດ້ວຍ​ຄວາມ​ຮັບ​ຜິດ​ຊອບ​ສູງ, ເຊິ່ງສະແດງອອກດ້ານຜົນງານຜົນສຳເລັດແຕ່ລະວຽກງານ.

5.ການຊີ້ນໍາ-ນໍາພາວຽກງານອົງການຈັດຕັ້ງມະຫາຊົນ.

ຄະນະພັກຮາກຖານ ພຊສ ໄດ້ຖືເອົາວຽກງານອົງການຈັດຕັ້ງມະຫາຊົນເປັນວຽກງານໜຶ່ງທີ່ສຳຄັນເປັນວຽກງານຍຸດທະສາດອັນຍາວນານເພື່ອສຶກສາອົບຮົມແລະກໍ່ສ້າງມະຫາຊົນໃຫ້ມີຄວາມຮູ້, ຄວາມສາມາດເປັນກໍາລັງ​ແຮງຂອງພັກ.ຕະຫຼອດໄລຍະ1 ປີຄະນະພັກຮາກຖານ ພຊສໄດ້ເອົາໃຈໃສ່ຊີ້ນຳອົງການຈັດຕັ້ງມະຫາຊົນເຄື່ອນໄຫວຈັດຕັ້ງປະຕິບັດຕາມພາລະບົດບາດ, ຂອບເຂດສິດ ແລະ ໜ້າທີ່ຂອງຕົນດ້ວຍຄວາມຮັບຜິດຊອບສູງພ້ອມທັງເຄື່ອນໄຫວວຽກງານຕາມຄຳຂວັນຂອງຕົນຄື: ຊາວໜຸ່ມ 4 ບຸກ, ກໍາມະບານ 5 ເປັນເຈົ້າ,ແມ່ຍິງ 3 ດີ ແລະ ນໍາພາດໍາເນີນຊີວິດການເມືອງເປັນປົກກະຕິ, ສາມາດ​ເຮັດຫຼອນໜ້າທີ່ວຽກງານວິຊາສະເພາະຕາມການຈັດຕັ້ງມອບໝາຍໃຫ້ ​ແລະແຕ່ລະອົງການຈັດ​ຕັ້ງ​ມະຫາຊົນກໍ່ໄດ້ສ້າງ​​ຂະ​ບວນການອອກ​ແຮງ​ງານ​ອະນາ​ໄມ​ສຳນັກງານສະຖານທີ່ຕ່າງໆ ຕາມແຂວງມອບໃຫ້  ແລະເຂົ້າຮ່ວມຂະບວນການແຂ່ງຂັນຕ່າງໆ​ຢ່າງເປັນຂະບວນການຟົດຟື້ນ.

6.ການຊີ້ນໍາວຽກງານປັບປຸງລະບົບການຈັດຕັ້ງ, ການກໍ່ສ້າງພັກ-ພະນັກງານ ແລະວຽກງານຕິດຕາມກວດກາ

- ວຽກງານຈັດຕັ້ງ: ຄະນະພັກຮາກຖານ ພຊສ ໄດ້ຖືເປັນບັນຫາສໍາຄັນ ສໍາລັບການປັບປຸງກໍ່ສ້າງຕົນເອງທາງດ້ານການຈັດຕັ້ງ ແລະ ແບບແຜນນໍາພາ, ໂດຍຢຶດໝັ້ນໃນທັດສະນະຊົນຊັ້ນ ແລະ ບັນດາຫຼັກການພື້ນຖານແຫ່ງການກໍ່ສ້າງພັກເພື່ອຮັບປະກັນໃຫ້ພັກມີຄວາມປອດໃສ, ມີວິໄນເຂັ້ມງວດ, ປະຕິບັດຫຼັກການລວມສູນປະຊາທິປະໄຕ, ເສີມຂະຫຍາຍກໍາລັງແຮງສັງລວມເພື່ອຂັບເຄື່ອນວຽກງານໃຫ້ກ້າວໄປຂ້າງໜ້າ, ເຮັດໃຫ້ພາຍໃນພັກມີຄວາມສາມັກຄີເປັນເອກະພາບກັນສູງ, ໄດ້ຊີ້ນໍາ-ນໍາພາກົງຈັກການຈັດຕັ້ງວຽກລັດຂັ້ນຕ່າງໆ, ພ້ອມກັນນັ້ນກໍໄດ້ເອົາໃຈໃສ່ປັບປຸງແບບແຜນວິທີນໍາພາໃຫ້ຕິດແທດກັບວຽກງານຕົວຈິງຫຼາຍຂຶ້ນ.

- ວຽກງານ ກໍ່ສ້າງພັກ:ໄດ້ເອົາໃຈໃສ່ຢ່າງຕັ້ງໜ້າ ເພື່ອຍົກສູງຄຸນນະພາບການນຳພາຂອງພັກ, ຜ່ານການເຄື່ອນໄຫວວຽກງານຕົວຈິງເຫັນໄດ້ວ່າສະມາຊິກພັກມີສະຕິຕື່ນຕົວ, ສ້າງໄດ້ຄວາມເປັນແບບຢ່າງນຳໜ້າໃຫ້ແກ່ມະຫາຊົນ; ນຳພາການຮ່ວມຊີວິດການເມືອງ ແລະ ເສຍເງິນສະຕິພັກເປັນປົກກະຕິ; ນໍາສະເໜີຄະນະພັກຂັ້ນເທິງອະນຸມັດສະມາຊິກພັກສໍາຮອງເລື່ອນຂຶ້ນສົມບູນ 02 ສະຫາຍ, ມະຫາຊົນກ້າວໜ້າຂຶ້ນສໍາຮອງ01 ສະຫາຍ (ຍິງ);ຮຽນກົດລະບຽບພັກ 03 ສະຫາຍ, ຍິງ 01 ສະຫາຍ; ຮຽນສະໜັບສະໜູນ 06 ສະຫາຍ. ປະຈຸບັນສະມາຊິກພັກໄດ້ເພີ້ມຂຶ້ນທາງດ້ານປະລິມານ ແລະ ຄຸນນະພາບ.ມີສະມາຊິກພັກທັງໝົດ38ສະຫາຍ, ຍິງ08ສະຫາຍ, ສໍາຮອງ 01 ສະຫາຍ (ຍິງ)ແລະ ໄດ້ຮັບບັດສະມາຊິກພັກ 32 ສະຫາຍ, ຍິງ 08ສະຫາຍ; ຍັງບໍ່ທັນໄດ້ບັດສະມາຊິກພັກ 06 ສະຫາຍ. ຄຽງຄູ່ກັນນີ້, ກໍ່ໄດ້ເອົາໃຈໃສ່ຕິດຕາມກວດກາສະມາຊິກພັກ, ນຳພາສະມາຊິກພັກດຳເນີນຊີວິດການເມືອງປະຈຳເດືອນ, ປະຈຳປີຕີລາຄາຈັດແບ່ງປະເພດໜ່ວຍພັກ, ສະມາຊິກພັກ. ສາມາດຕີລາຄາຈັດແບ່ງປະເພດໜ່ວຍພັກແຂງ 03 ໜ່ວຍ, ສະມາຊິກພັກແຂງ37 ສະຫາຍ, ຍິງ 07ສະຫາຍ; ປະເພດກາງ, ອ່ອນ ແລະ ເສຍທາດບໍ່ມີ. ໄດ້ນໍາພາເສຍເງິນສະຕິພັກເປັນປົກກະຕິໃນໄລຍະຜ່ານມາສາມາດເກັບເງິນສະຕິພັກໄດ້ທັງໝົດ2.280.000ກີບ. ໃນນັ້ນ,ໄດ້ສົ່ງໃຫ້ຄະນະພັກຂັ້ນເທິງ; ຈຳນວນ254.000ກີບແລະໝູນໃຊ້ເຂົ້າໃນກອງປະຊຸມຕ່າງໆຈໍານວນ 600.000 ກີບ; ປະຈຸບັນຄະນະພັກຮາກຖານ ມີເງິນໃນຄັງ ຈໍານວນ1.426.000ກີບ.

ວຽກງານພະນັກງານ:ຄະນະພັກຮາກຖານ ພຊສ ຖືສຳຄັນຕໍ່ວຽກງານດັ່ງກ່າວນີ້, ເພາະວ່າ:ພະນັກງານມີບົດບາດຕັດສິນຜົນໄດ້-ຜົນເສຍຂອງການຈັດຕັ້ງປະຕິບັດແນວທາງຂອງພັກ; ຜ່ານມາພະນັກງານແຕ່ລະຂະແໜງ ໄດ້ຮັບການຍົກລະດັບບຳລຸງກໍ່ສ້າງຫຼາຍລະດັບສົມຄູ່ກັບໜ້າທີ່ວຽກງານວິຊາສະເພາະຂອງເຂົາເຈົ້າ, ຈຶ່ງເຮັດໃຫ້ພະນັກງານເພີ້ມຂຶ້ນທາງດ້ານປະລິມານ ແລະຄຸນນະພາບ. ໄດ້ສົ່ງພະນັກງານ-ລັດຖະກອນໄປຍົກລະດັບທາງດ້ານທິດສະດີການເມືອງ-ການປົກຄອງຢູ່ພາຍໃນ ຈຳນວນ1ສະຫາຍ (ຍິງ); ຄຽງຄູ່ກັນນັ້ນ, ກໍ່ໄດ້ສະຫຼຸບຕີລາຄາ ແລະ ຮັບຍ້ອງຍໍບຸກຄົນ, ກົມກອງມີຜົນງານດີເດັ່ນ ໃນຂະບວນການແຂ່ງຂັນຮັກຊາດ ແລະ ພັດທະນາຕິດພັນກັບຂະບວນການວຽກງານຮອບດ້ານຂອງການພັດທະນາແຂວງບໍ່ແກ້ວ.

ວຽກງານຕິດຕາມກວດກາ:ເພື່ອຮັບປະກັນຄຸນນະພາບການນໍາພາຂອງພັກ,ຄະນະພັກຮາກຖານໄດ້ເອົາໃຈໃສ່ຕໍ່ວຽກງານຕິດຕາມກວດກາພັກເປັນປົກກະຕິ, ເປັນຕົ້ນແມ່ນຕິດຕາມກວດກາການປະຕິບັດກົດລະບຽບພັກ, ມະຕິ, ຄຳສັ່ງ, ຄໍາແນະນໍາຕ່າງໆຂອງພັກ, ກົດໝາຍຂອງລັດ ແລະ ຕິດຕາມກວດກາລະບອບແບບແຜນນຳພາ ແລະ ວິທີເຮັດວຽກຂອງຄະນະພັກຮາກຖານ, ສະມາຊິກພັກ ຕາມໜ້າທີ່ການເມືອງ ໃນຂອບເຂດຄວາມຮັບຜິດຊອບພ້ອມທັງໄດ້ປັບປຸງກົງຈັກການຈັດຕັ້ງ ໃຫ້ມີຄວາມເຂັ້ມແຂງດ້ວຍການຍົກຍ້າຍ, ສັບປ່ຽນບ່ອນປະຈຳການຂອງພະນັກງານນຳພາ-ຄຸ້ມຄອງ, ພະນັກງານວິຊາການເຂົ້າໃສ່ຕຳແໜ່ງງານຕ່າງໆພາຍໃນຂະແໜງ ຈຳນວນ 13 ສະຫາຍ, ຍິງ 4 ສະຫາຍ.           

ແບບແຜນວິທີນໍາພາ ແລະ ວິທີເຮັດວຽກ

  ຄະນະພັກຮາກຖານ ພຊສ ຍາມໃດກໍມີສະຕິເຄົາລົບຫຼັກການລວມສູນປະຊາທິປະໄຕ, ນໍາພາເປັນໝູ່ຄະນະ, ບຸກຄົນຮັບຜິດຊອບ, ໄດ້ປະຕິບັດລະບອບແບ່ງງານ, ແບ່ງຄວາມຮັບຜິດຊອບຢ່າງຈະແຈ້ງ, ແຕ່ລະສະຫາຍໄດ້ເປັນເຈົ້າການຊີ້ນໍາ-ນໍາພາວຽກງານທີ່ນອນຢູ່ໃນຄວາມຮັບຜິດຊອບຂອງຕົນ ມີການປະຊຸມປຶກສາຫາລືເປັນໝູ່ຄະນະ, ໂດຍປະຕິບັດຕາມລະບອບບຸກຄົນຂຶ້ນກັບການຈັດຕັ້ງ, ສຽງສ່ວນໜ້ອຍຂຶ້ນກັບສຽງສ່ວນຫຼາຍ, ເຮັດວຽກຕາມແຜນການ, ແບບມີຈຸດສຸມ, ມີການສະຫຼູບຕີລາຄາ ແລະ ຖອດຖອນບົດຮຽນ, ສະຫຼູບລາຍງານ ແລະ ຂໍທິດຊີ້ນໍາຈາກຄະນະພັກຂັ້ນເທິງຢ່າງເປັນປົກກະຕິ.

8.ແບບແຜນດໍາລົງຊີວິດຂອງຄະນະພັກຮາກຖານ

ຄະນະພັກຮາກຖານ ພຊສໄດ້ດໍາລົງຊີວິດດ້ວຍຄວາມສັດຊື່ບໍລິສຸດ, ປອດໃສຂາວສະອາດ, ບໍ່ສວຍໂອກາດສ້າງຄວາມລໍ້າລວຍດ້ວຍທາງທີ່ຜິດຕໍ່ລະບຽບກົດໝາຍຕ່າງໆ, ບໍ່ຫລີ້ນກິນຟຸມເຟືອຍ, ບໍ່ພົວພັນກັບເລື່ອງສິ່ງເສບຕິດ, ພະຍາຍາມກໍ່ສ້າງ ແລະ ປັບປຸງຕົນເອງໃຫ້ເປັນທີ່ນັບຖືຂອງສະມາຊິພັກ-ພະນັກງານ, ກົມກອງ ຕະຫຼອດຮອດຄອບຄົວ ແລະ ສັງຄົມຢູ່ສະເໝີ.

      

  ຫຼັງຈາກນັ້ນ ເລຂາຄະນະພັກ ຮາກຖານ ໄດ້ຜ່ານ ດ້ານອ່ອນ - ຂໍ້ຄົງຄ້າງ ແລະ ໃຫ້ສະຫາຍ ຄະນະພັກ, ເລຂາໜ່ວຍພັກ, ຮອງເລຂາໜ່ວຍພັກ ສະມາຊິກພັກ ພາຍໃນ ຄະນະພັກ ຮາກຖານ ປະກອບຄໍາເຫັນໃສ່ຮ່າງບົດສໍາຫູວດການນໍາພາລວມ ຂອງຄະນະພັກຮາກຖານ.

- ແບບແຜນນໍາພາວິທີເຮັດວຽກ ແລະ ຄວາມຮັບຜິດຊອບຕໍ່ໜ້າທີ່ການເມືອງທີ່ໄດ້ຮັບມອບໝາຍຈາກຄະນະພັກຂັ້ນເທິງຍັງເຮັດບໍ່ທັນໄດ້ດີເທົ່າທີຄວນເປັນ​ຕົ້ນ​ແມ່ນການຫັນເອົາມະຕິ,ຄໍາສັ່ງຕ່າງໆຂອງພັກ-ລັດມາຈັດຕັ້ງປະຕິບັດຜັນຂະຫຍາຍໃຫ້ເປັນອັນລະອຽດເຂົ້າໃນໜ້າທີ່ວຽກງານທີ່ຕົນເອງຮັບຜິດຊອບບາງ​ຄັ້ງຍັງ​ເຮັດ​​ຊັກ​ຊ້າ.

- ການສຶກສາອົບຮົບການເມືອງ-ແນວຄິດ ​ໃຫ້ສະມາຊິກພັກ-ພະນັກງານ ບາງ​ຄັ້ງບໍ່ທັນເລິກເຊິ່ງ ເຖິງຖອງ ແລະ ບໍ່ມີຫຼາຍວິທີເຮັດ, ຈຶ່ງພາໃຫ້ສະມາຊິກພັກ-ພະນັກງານຈໍານວນໜຶ່ງບາງ​ຄັ້ງ​ເກີດມີແນວຄິດຫຍໍ້​ທໍ້ ແລະ ຄວາມ​ຫ້າວຫັນ​ຕໍ່ໜ້າ​ທີ່​ວຽກ​ງານ​ຂອງຕົນບໍ່​ສູງ.

- ການຈັດຕັ້ງປະຕິບັດຜັນຂະຫຍາຍມະຕິກອງປະຊຸມໃຫຍ່ຂອງຄະນະພັກຮາກຖານມາເປັນແຜນການ,ແຜນງານລະອຽດຂອງຂະແໜງການເຂົ້າໃສ່ວຽກງານຕົວຈິງ ຍັງເຮັດບໍ່ທັນໄດ້ດີ, ເຮັດໃຫ້ບາງວຽກງານມີຜົນສຳເລັດ ແຕ່ຄຸນນະພາບບໍ່ສູງ.

- ການບັນຈຸຊັບຊ້ອນພະນັກງານ ເຂົ້າໃສ່ແຕ່ລະຂະແໜງການວິຊາສະເພາະຍັງບໍ່ທັນໄດ້ຕອບສະໜອງຕາມຄວາມຮຽກຮ້ອງຕ້ອງການຂອງໜ້າທີ່ການເມືອງໃນໄລຍະໃໝ່,ຍ້ອນວ່າພະນັກງານໃໝ່ບົດຮຽນ ແລະ ປະສົບການຍັງບໍ່ທັນມີຫຼາຍ.

- ການເຄື່ອນໄຫວວຽກງານວິຊາສະເພາະ ພາຍໃນພະແນກຊັບພະຍາກອນທຳມະຊາດ ແລະ ສິ່ງແວດລ້ອມແຂວງ ແມ່ນວຽກໜຶ່ງທີ່ກ້ວາງຂວາງ ແລະ ໄດ້ພົວພັນກັບຫຼາຍພາກສ່ວນ, ຕະຫຼອດຮອດປະຊາຊົນບັນດາເຜົ່າຜ່ານມາບາງຄັ້ງກໍ່ເກີດມີຫາງສຽງບໍ່ດີ, ຄວາມບໍ່ເຂົ້າໃຈຂອງມະຫາຊົນຈຳນວນໜຶ່ງກະທົບຕໍ່ສະມາຊິກພັກ-ພະນັກງານ ແລະ ການນຳພາຂອງຄະນະພັກຮາກຖານ.

   ຈາກນັ້ນ ຜ່ານບົດສໍາຫຼວດຂອງບຸກຄົນ ໃນຄະນະພັກຮາກຖານຄືດັ່ງລຸ່ມນີ້:

1. ສະຫາຍ ຄໍາໝັ້ນ ຈັນທະລິດ ໄດ້ຂື້ນຜ່ານບົດສໍາຫຼວດຕົນເອງໃນການຊີ້ນໍາ-ນໍາພາໃນໄລຍະຜ່ານມາ ຍົກໃຫ້ເຫັນດ້ານດີ-ຜົນງານ, ດ້ານອ່ອນ-ຂໍ້ຄົງຄ້າງ ແລະວິທີແກ້ໄຂໃນຕໍ່ໜ້າ.

 

      ໃນວັນທີ 09 ທັນວາ 2020 ເວລາ 8:00 ຢູ່ທີ່ຫ້ອງປະຊຸມ ພະແນກ ຊັບພະຍາກອນທໍາມະຊາດ ແລະສິ່ງແວດລ້ອມ ແຂວງ ບໍ່ແກ້ວ ໄດ້ເປີດກອງປະຊຸມ ດໍາເນີນຊິວິດການເມືອງ ປະຈໍາປີ 2020 ຂອງໜ່ວຍພັກ ທີ່ດິນ ພາຍໃຕ້ການເປັນປະທານຮ່ວມ ຂອງສະຫາຍ ຄໍາໝັ້ນ ຈັນທະລິດ ກໍາມະການພັກແຂວງ, ເລຂາ ຄະນະພັກຮາກຖານ, ຫົວໜ້າ ພະແນກ ຊັບພະຍາກອນທໍາມະຊາດ ແລະສິ່ງແວດລ້ອມ; ສະຫາຍ ແກ່ນຈັນ ທໍາມະແສງ ເລຂາ ໜ່ວຍພັກ ທີ່ດິນ ຮອງຫົວໜ້າ ພະແນກ ຊັບພະຍາກອນທໍາມະຊາດ ແລະສິ່ງແວດລ້ອມ ແຂວງ ບໍ່ແກ້ວ.

    ໃນພິທີ ຄະນະຈັດຕັ້ງພິທີໄດ້ຂື້ນກ່າວຈຸດປະສົງໃນການເປີດກອງປະຊຸມດໍາເນີນຊີວິດການເມືອງ ຂອງໜ່ວຍພັກ ແລະຜ່ານມະຕິຕົກລົງຂອງຄະນະພັກຮາກຖານວ່າດ້ວຍການອະນຸມັດໃຫ້ໜ່ວຍພັກທີ່ດິນເປີດກອງປະຊຸມດຳເນີນຊີວິດການເມືອງ.

   ຈາກນັ້ນ ສະຫາຍ ແກ່ນຈັນ ທໍາມະແສງ ເລຂາ ໜ່ວຍພັກທີ່ດິນ ໄດ້ຂື້ນກ່າວເປີດກອງປະຊຸມດໍາເນີນຊີວິດການເມືອງຕີລາຄາຈັດແບ່ງປະເພດໜ່ວຍພັກ ແລະສະມາຊິກພັກ ປະຈໍາປີ 2020 ແລະ ຜ່ານທິດທາງແຜນການກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ ປະຈໍາປີ 2021 ຂອງໜ່ວຍພັກທີ່ດິນ ໄດ້ໄຂຂຶ້ນດ້ວຍບັນຍາກາດທີ່ເບີກບານມ່ວນຊື່ນຕໍ່ຜົນສໍາເລັດອັນສໍາຄັນທີ່ພົ້ນເດັ່ນໃນຫຼາຍດ້ານນັບແຕ່ກອງປະຊຸມໃຫຍ່ຄັ້ງທີ I ມາຮອດປັດຈຸບັນເປັນຕົ້ນແມ່ນພາລະກິດປົກປັກຮັກສາ ແລະສ້າງສາພັດທະນາແຂວງບໍ່ແກ້ວ ເວົ້າລວມ ເວົ້າສະເພາະແມ່ນການຈັດຕັ້ງປະຕິບັດຜັນຂະຫຍາຍມະຕິກອງປະຊຸມໃຫຍ່ຄັ້ງທີ VI ຂອງອົງຄະນະພັກແຂວງ ແລະມະຕິກອງປະຊຸມໃຫຍ່ຄັ້ງທີ I ຂອງຄະນະພັກຮາກຖານ ພະແນກຊັບພະຍາກອນທໍາມະຊາດ ແລະ ສິ່ງແວດລ້ອມແຂວງກໍ່ຄືຂອງໜ່ວຍພັກສິ່ງແວດລ້ອມ ພວກເຮົາທີ່ໄດ້ປະກອບສ່ວນສ້າງສາພັດທະນາເສດຖະກິດ-ສັງຄົມ ເພື່ອກໍ່ສ້າງຊັບພະຍາກອນມະນຸດທາງດ້ານການເມືອງ-ແນວຄິດໃຫ້ໜັກແໜ້ນເຂັ້ມແຂງ ແລະຂະຫຍາຍຕົວຕາມທິດທີ່ພັກໄດ້ກໍານົດ,ຖັນແຖວສະມາຊິກພັກ-ພະນັກງານ ໄດ້ຮັບການບໍາລຸງກໍ່ສ້າງໃນຂະບວນການວຽກງານ ແລະພຶດຕິກໍາຕົວຈິງ;ໃນຂະບວນການອັນມີຄວາມໝາຍສໍາຄັນນີ້,ຄະນະພັກ,ສະມາຊິກພັກ,ພະນັກງານ-ລັດຖະກອນຂໍສະແດງຄວາມຮູ້ບຸນຄຸນຕໍ່ຄຸນງາມຄວາມດີ ແລະ ຜົນງານອັນໃຫຍ່ຫຼວງຂອງຜູ້ນໍາພັກ-ລັດ ໂດຍສະເພາະແມ່ນ ອາດີດທ່ານປະທານໄກສອນພົມວິຫານ ແລະ ຜູ້ນໍາອາວຸດໂສຜູ້ອື່ນໆທີ່ໄດ້ນໍາພາຕໍ່ສູ້ປົດປ່ອຍຊາດ ແລະ ສ້າງສາພັດທະນານໍາເອົາຄວາມຈະເລີນຮຸ່ງເຮືອງຄວາມຜາສຸກ,ຄວາມມັ່ງຄັ່ງເຂັ້ມແຂງຂອງປະເທດຊາດມາໃຫ້ປະຊາຊົນບັນດາເຜົ່າຂອງພວກເຮົາ.

  ກອງປະຊຸມດໍາເນີນຊີວິດການເມືອງ ປະຈໍາປີຄັ້ງນີ້ສຸດທີ່ມີຄວາມໝາຍຢ່າງຍິ່ງຊື່ງພວກເຮົາຈະໄດ້ພ້ອມກັນຕີລາຄາຄືນການຊີ້ນໍາ-ນໍາພາຂອງຄະນະໜ່ວຍພັກໃນໄລຍະຜ່ານມາພ້ອມນີ້ພວກເຮົາກໍຈະໄດ້ຄົ້ນຄວ້າແລະຮັບຮອງເອົາບັນດາເນື້ອໃນ ບົດສະຫຼຸບຕີລາຄາການຊີ້ນໍາ-ນໍາພາ ປະຈໍາປີ 2020 ແລະທິດທາງແຜນການກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ ປະຈໍາປີ 2021 ແລະ ບົດສໍາຫຼວດການນໍາພາລວມ ຂອງຄະນະໜ່ວຍພັກທີ່ດິນມີດັ່ງນີ້:

ໜື່ງ: ຈະໄດ້ສັງເກດຕີລາຄາຄືນຢ່າງຮອບດ້ານກ່ຽວກັບຜົນຂອງການຈັດຕັ້ງປະຕິບັດຕະຫຼອດໄລຍະໜຶ່ງປີຜ່ານມາຊື່ງມີດ້ານດີ-ຜົນສໍາເລັດ,ດ້ານອ່ອນ-ຂໍ້ຄົງຄ້າງທີ່ຈະພ້ອມກັນແກ້ໄຂໃນຕໍ່ໜ້າ.

ສອງ: ກອງປະຊຸມຈະໄດ້ຜ່ານບົດສະຫຼຸບຕີລາຄາການຊີ້ນຳ-ນຳພາ ປະຈໍາປີ2020 ແລະ ທິດທາງແຜນການກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ ປະຈໍາປີ 2021; ພ້ອມກັນນັ້ນກໍຈະໄດ້ຜ່ານບົດສໍາຫຼວດການນໍາພາລວມ ຂອງຄະນະໜ່ວຍພັກ ໃຫ້ປະກົດຜົນເປັນຈິງ.

ສາມ: ກອງປະຊຸມຈະໄດ້ຕີລາຄາຈັດແບ່ງປະເພດໜ່ວຍພັກ ແລະ ສະມາຊິກພັກ ແຕ່ລະສຫາຍພາຍໃນໜ່ວຍ ປະຈໍາປີ 2020 ໃຫ້ໄດ້ຮັບຜົນດີຕາມລະດັບຄາດໝາຍ.

ສີ່: ກອງປະຊຸມກໍຈະໄດ້ວາງທິດທາງແຜນການສູ້ຊົນໃນຕໍ່ໜ້າເພື່ອແນໃສ່ການຈັດຕັ້ງປະຕິບັດແນວທາງການປ່ຽນແປງໃໝ່ຂອງພັກກໍຄືໜ້າທີ່ການເມືອງຂອງຕົນໃຫ້ມີຜົນສໍາເລັດອັນໃຫຍ່ຫຼວງກວ່າເກົ່າ ເພື່ອປະກອບສ່ວນເຂົ້າໃນພາລະກິດປົກປັກຮັກສາ ແລະ ສ້າງສາປະເທດຊາດກໍ່ຄືແຂວງບໍ່ແກ້ວໃຫ້ເຕີບໃຫຍ່ຂະຫຍາຍຕົວຢ່າງຕໍ່ເນື່ອງ ແລະ ຖືກທິດພາຍໃຕ້ການຊີ້ນໍາ-ນໍາພາຂອງອົງຄະນະພັກແຂວງ.

   ໃນຕອນທ້າຍ ສະຫາຍ ຄໍາໝັ້ນ ຈັນທະລິດ ກໍາມະການພັກແຂວງ ເລຂາ ຄະນະພັກຮາກຖານ ຫົວໜ້າ ພະແນກ ຊັບພະຍາກອນທໍາມະຊາດ ແລະສິ່ງແວດລ້ອມ ແຂວງ ບໍ່ແກ້ວ ໄດ້ມີຄໍາເຫັນໂອ້ລົມຕໍ່ກອງປະຊຸມ ດັ່ງນີ້:

1. ຮຽກຮ້ອງໃຫ້ບັນດາສະຫາຍໃນຄະນະໜ່ວຍພັກ ຕ້ອງຍົກສູງວຽກງານການສຶກສາອົບຮົມການເມືອງ-ແນວຄິດ ເປັນວຽກງານກົກ ແລະ ສອດຫ້ອຍໄປກັບວຽກງານວິຊາສະເພາະຂອງຕົນ ເພື່ອເຮັດໃຫ້ພະນັກງານ-ສະມາຊິກພັກທີ່ຢູ່ໃນຄວາມຮັບຜິດຊອບຂອງຕົນ ໃຫ້ມີຄວາມໜັກແໜ້ນທາງດ້ານການເມືອງ-ແນວຄິດ, ມີຄຸນສົມບັດສິນທໍາປະຕິວັດ, ມີຄວາມບຸກບື່ນຫ້າວຫັນປະຕິບັດໜ້າທີ່ວິຊາສະເພາະ, ສັດຊື່ບໍລິສຸດ, ມີຄວາມເສຍສະລະ ແລະ ເປັນແບບຢ່າງນໍາໜ້າໃຫ້ແກ່ມະຫາຊົນໃນທຸກດ້ານ.

2. ປັບປຸງແບບແຜນວິທີເຮັດວຽກໃຫ້ດີກວ່າເກົ່າ,ປະຕິບັດຕາມຫຼັກການລວມສູນປະຊາທິປະໄຕ, ຕົກລົງເປັນໝູ່ຄະນະ, ບຸກຄົນຮັບຜິດຊອບ, ປະຕິບັດຕາມມະຕິຢ່າງເຂັ້ມງວດ, ເພື່ອພ້ອມກັນຮັບມືກັບໜ້າທີ່ວຽກງານອັນສໍາຄັນຂວາງໜ້າບັນດາສະຫາຍ ເປັນຕົ້ນແມ່ນການຈັດຕັ້ງປະຕິບັດຜັນຂະຫຍາຍມະຕິກອງປະຊຸມໃຫຍ່ຄັ້ງທີ VI ຂອງອົງຄະນະພັກແຂວງບໍ່ແກ້ວ ແລະ ແຜນພັດທະນາເສດຖະກິດ-ສັງຄົມຂອງແຂວງ ໃຫ້ບັນລຸຕາມຄາດ ໝາຍທີ່ວາງໄວ້ ແລະ ການປະຕິບັດໜ້າທີ່ວຽກງານວິຊາສະເພາະຂອງຕົນ.

3. ສືບຕໍ່ຮັກສາມູນເຊື້ອຄວາມສາມັກຄີພາຍໃນພັກໃຫ້ໜັກແໜ້ນເຂັ້ມແຂງ ແລະ ອີກບັນຫາໜຶ່ງທີ່ສໍາຄັນ ໂດຍອີງໃສ່ບົດສະຫຼຸບຕີລາຄາການຊີ້ນໍາ-ນໍາພາ ຂອງຄະນະໜ່ວຍພັກ ທີ່ໄດ້ຍົກໃຫ້ເຫັນດ້ານດີ, ດ້ານອ່ອນ-ຂໍ້ຄົງຄ້າງ ແລະ ບົດຮຽນທີ່ຖອດຖອນໄດ້ໃນໄລຍະຜ່ານມານັ້ນ,ໃຫ້ບັນດາສະຫາຍໄດ້ເອົາເປັນຂໍ້ມູນແລະເປັນບ່ອນອີງເພື່ອວາງແຜນການຄາດໝາຍສູ້ຊົນຂອງໜ່ວຍພັກໃນການກໍ່ສ້າງໜ່ວຍພັກປອດໃສ, ເຂັ້ມແຂງ ແລະໜັກແໜ້ນ ໃນຕໍ່ໜ້າ.

Subcategories